Nehemia 8:1 - An Bibel Kernewek 20234 (Kernewek Kemmyn)

¹ Oll an bobel a omguntellas gans unn akord y'n plen a-dherag Yet an Dowr; hag i a leveris dhe Ezra an skriba dhe dhri lyver lagha Moyses a wrussa an Arloedh erghi dhe Ysrael.

Nehemia 8:1 Iomraidhean Croise

2 Myghternedh 23:2

An myghtern eth yn-bann dhe ji an Arloedh, hag oll gwer Yuda hag oll annedhysi Yerusalem ganso, ha'n oferysi, ha'n brofoesi, hag oll an bobel byghan ha bras; hag ev a lennas yn aga diwskovarn oll geryow lyver an kevambos re bia kevys yn chi an Arloedh.

2 Kroniklys 34:15

Hilkia a leveris dhe Shafan an skrifennyas, ‘My re gavas lyver an lagha yn chi an Arloedh’; ha Hilkia a ros an lyver dhe Shafan.

2 Kroniklys 34:30

An myghtern eth yn-bann dhe ji an Arloedh gans oll gwer Yuda, trigoryon Yerusalem, an oferysi ha'n Levysi, oll an bobel, bras ha byghan; ev a lennas a-ragdha oll geryow lyver an kevambos re beu kevys yn chi an Arloedh.

Ezra 7:1

Lemmyn wosa an hwarvosow ma, yn reyn Artakserkses myghtern Persia, Ezra mab Seraya, mab Azaria, mab Hilkia,

Ezra 7:10

Rag Ezra re settsa y golonn dhe hwilas lagha an Arloedh, ha dh'y gul, ha dhe dhyski ordenansow ha breusow yn Ysrael.

Ezra 7:11

Ytho, ottomma dasskrif a'n lyther a wrug myghtern Artakserkses y ri dhe Ezra an oferyas, an skriba, dyskys yn mater gorhemmynnow an Arloedh, ha'y ordenansow rag Ysrael:

Ezra 7:6

an Ezra ma a dheuth yn-bann a-dhiworth Babylon; hag ev o skriba skentel yn lagha Moyses, a wrug an Arloedh Duw a Ysrael hy ri. An myghtern a wrontyas dhodho oll y worholedhow, rag bos leuv an Arloedh y Dhuw warnodho.

Nehemia 12:26

An re ma a veu yn dydhyow Yoyakim mab Yeshua mab Yosadak, hag yn dydhyow Nehemia an governour, hag Ezra an oferyas, an skriba.

Nehemia 12:37

Orth Yet an Fenten, a-dheragdha, i eth yn-bann war grisyow sita Davydh, orth an fordh-yskynna dhe'n fos, a-ugh chi Davydh, bys yn Yet an Dowr dhe'n est.

Nehemia 3:26

ha'n Nethinim, trigys yn Ofel, a ewnhas bys yn tyller a-dal Yet an Dowr troha'n howldrevel, ha'n tour balek.

Nehemia 8:16

Ytho an bobel eth yn-mes ha'ga hyrghes, ha gul dhedha aga honan skovvaow, pubonan war do y ji, hag yn aga klosyow, ha klosyow chi Duw, hag yn stret Yet an Dowr, hag yn stret Yet Efraym.

Nehemia 8:3

Hag ev a lennas an lagha y'n plen a-dherag Yet an Dowr dhiworth myttin a-varr bys hanter-dydh, a-dherag gwer ha benynes, ha tus a allas konvedhes; hag oll an bobel a woslowas gans rach orth lyver an lagha.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Levitikus 9:5

Hag i a dhros an pyth a erghis Moyses dherag tylda an kuntelles hag oll an kuntelles a dheuth nes ha sevel dherag an Arloedh.

Malaki 4:4

Perthewgh kov a lagha ow gwas Moyses, an ordenansow ha'n breusow a erghis vy dhodho war Horeb rag oll Ysrael.

Matthew 13:52

Yn-medh ev dhedha, ‘Pub skriba, ytho, a veu dyskys rag gwlaskor nev yw haval dhe diek neb a denn yn-mes a'y withva taklow nowydh ha taklow koth.’

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Matthew 23:2

ow leverel, ‘An skribys ha'n Fariseow re esedhas war esedh Moyses.

Matthew 23:34

Rakhenna, otta, my a dhannvon dhywgh profoesi ha tus fur ha skribys: re anedha hwi a's ladh ha'ga krowsya, ha skorjya re a wrewgh yn agas synagys ha'ga helghya a sita dhe sita;

Dewteronomi 31:11

pan dheu oll Ysrael dhe omdhiskwedhes a-rag an Arloedh dha Dhuw y'n tyller a dhewis, ty a lenn an lagha ma a-rag oll Ysrael yn aga klewans.

Breusysi 20:1

Ena oll mebyon Ysrael a dheuth yn-mes, dhiworth Dan bys yn Beer-sheba, yn aga mysk pow Gilead, ha'n bobel a omguntellas yn unn bagas a-rag an Arloedh yn Mispa.

Breusysi 20:8

Oll an bobel a sevis gans unn akord, ow leverel, ‘Nyns a denvyth ahanan dh'agan tyldow, na ny dhehwelyn denvyth ahanan dh'agan chiow.