Nehemia 7:1 - An Bibel Kernewek 20234 (Kernewek Kemmyn)

¹ Wosa an fos dhe vos dastrehevys ha my dhee settya yn-bann an darasow, an borthoryon ha'n ganoryon ha'n Levysi a veu apoyntys.

Nehemia 7:1 Iomraidhean Croise

2 Myghternedh 7:10

Ytho i a dheuth ha gelwel orth gwithysi an yet, ha leverel orta, ‘Ni eth dhe gamp Aram, mes nyns esa gour vyth, na lev den, travyth marnas mergh kelmys, hag asenes kelmys, ha'n tyldow dell ens.’

2 Kroniklys 31:2

Hezekia a apoyntyas an oferysi ha'n Levysi dh'aga rannow, rann ha rann, pubonan herwydh y servis, an oferysi ha'n Levysi rag offrynnow leskys hag offrynnow kres, dhe venystra ha dhe aswonn grasow ha gormola yn yetys tyldow an Arloedh.

Ezra 3:8

Y'n nessa blydhen wosa i dhe dhos dhe ji Duw yn Yerusalem, y'n nessa mis, Zerubbabel mab Shealtiel ha Yeshua mab Yosadak a dhallathas an ober, war-barth gans remenant aga breder, an oferysi ha'n Levysi, hag oll an re a dheuth mes a'n gethneth dhe Yerusalem. I a apoyntyas an Levysi, ugens bloedh po moy, dhe worweles ober chi an Arloedh.

Nehemia 10:39

Rag pobel Ysrael ha mebyon Levi a dhre aga hevro a reun, gwin hag oyl dhe'n chambouryow le may ma lestri an sentri, ha'n oferysi neb a serv, ha'n borthoryon ha'n ganoryon. Ny forsakyn chi agan Duw.

Nehemia 11:3

An re ma yw hembrenkysi an rannvro esa trigys yn Yerusalem; mes yn sitys Yuda yth esa pubonan trigys yn y berghennogeth y honan yn aga sitys: Ysrael, an oferysi, an Levysi ha'n Nethinim, ha mebyon servysi Solomon.

Nehemia 12:24

Ha hembrenkysi an Levysi: Hashabia, Sherebia, ha Yeshua mab Kadmiel ha'ga breder a sevi a-dal dhedha dhe gana gormel ha grasyans dhe Dhuw, an eyl amal ow korthybi dhe'n arall herwydh gorhemmynn Davydh, gour Duw.

Nehemia 6:1

Pan veu derivys dhe Sanballat ha Tobia ha Geshem an Arab ha remenant agan eskerens y tastrehavsen vy an fos ha nag esa torrva vyth gesys ynni (kyn na settsen vy an darasow yn-bann y'n yetow y'n eur na),

Nehemia 6:15

Ytho an fos a veu kowlwrys y'n pympes dydh warn ugens a vis Elul, y'n dewdhek dydh ha dew-ugens.

Nehemia 6:19

Ynwedh yth esens ow kewsel a'y oberow da y'm lok, ha derivas ow geryow dhodho. Ha Tobia a dhannvonas lytherow rag ow ownekhe.