Nehemia 6:9 - An Bibel Kernewek 20234 (Kernewek Kemmyn)

⁹ Rag i oll a vynnas agan ownekhe, ow prederi, ‘Aga diwla a vydh re wann rag an ober, ha ny vydh kollenwys.’ Lemmyn ytho, A Dhuw, krevha ow diwla.

Nehemia 6:9 Iomraidhean Croise

2 Kroniklys 15:7

Mes hwi, bedhewgh krev, ha na esewgh dh'agas diwla bos lows; rag y fydh pewas a'gas ober.’

2 Kroniklys 32:18

I a'n garmas yn lev ughel yn yeth Yuda dhe bobel Yerusalem esa war an fos, rag aga ownhe ha'ga euthega, rag may hallens kemmeres an sita.

Ezra 1:6

Hag oll aga hentrevogyon a's gweresas gans lestri a arghans, gans owr, gans gwara, ha gans chatel, ha gans rohow a bris, war-barth gans oll an offrynnow bolonjedhek.

Nehemia 6:14

Porth kov a Tobia ha Sanballat, ow Duw, war-lergh an taklow ma a wrussons, hag ynwedh an brofoeses Noadia ha'n brofoesi erell hag a vynnas ow ownekhe.

Salmow 138:3

Y'n jydh may helwis vy ty a worthybis dhymm, hag ynkressya nerth y'm enev.

Salmow 56:3

Y'n jydh may porthav own my a drest ynnos jy.

Salmow 68:35

A Dhuw, euthyk osta y'th tylleryow sans, Duw Ysrael; neb a re nerth ha galloes dh'y bobel. Benniges re bo Duw.

Salmow 71:1

Ynnos jy, A Arloedh, y hwilav skovva; na as vy dhe berthi meth bynitha.

Ysay 40:29

Ev a re nerth dhe'n re wann, ha dhe neb na'n jeves galloes ev a voghha nerth.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Yeremia 38:4

Ytho an bennsevigyon a leveris dhe'n myghtern, ‘Ny a'th pys, gas an gour ma dhe vos gorrys dhe'n mernans, drefenn ev dhe wannhe an soudoryon yw gesys y'n sita ma ha diwleuv oll an bobel, dre gewsel geryow a'n par ma dhedha. Rag ny hwila an gour ma sewena an bobel ma, mes aga fystik.’

Ezekiel 30:24

My a grevha breghow myghtern Babylon ha gorra ow kledha yn y leuv; mes my a derr breghow Faro, hag i a gyn a-ragdho kepar dell gyn den ledhys.

Zekaria 10:12

My a wra aga nertha y'n Arloedh, hag yn y hanow ev i a gerdh a-dro, yn-medh an Arloedh.

2 Korinthianys 12:9

Mes ev a leveris dhymm: ‘Ow gras yw lowr ragos; rag yn gwannder yth yw ow nerth gwrys perfydh.’ Ytho, fest yn lowen y hwrav vy bostya y'm gwannder, may trikko warnav nerth Krist.

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Efesianys 6:10

Wor'tiwedh, bedhewgh krev y'n Arloedh, hag y'n nerth a'y alloes.

Filippianys 4:13

My a yll gul pup-tra dredho ev neb a re dhymm nerth.

Ebrowyon 12:12

Ytho krevhewgh an dhiwdhorn ydhil ha'gas dewlin dhifreth,

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.