Nehemia 6:7 - An Bibel Kernewek 20234 (Kernewek Kemmyn)

⁷ Hag ynwedh ty re apoyntyas profoesi dhe dhisklerya hemma a-dro dhis yn Yerusalem, ow leverel, “Yma myghtern yn Yuda!” Ha lemmyn an geryow ma a vydh derivys dhe'n myghtern. Deus lemmyn ytho hag omgusulyn war-barth.’

Nehemia 6:7 Iomraidhean Croise

1 Myghternedh 1:18

Mes lemmyn Adoniya re dheuth ha bos myghtern; ha ty, ow arloedh an myghtern, ny'n goer.

1 Myghternedh 1:25

Rag ev yw gyllys yn-nans hedhyw, ha re ladhas oghen ha bualyon peskys ha deves pals, ha re elwis oll mebyon an myghtern, ha kaptenyon an lu, hag Abiathar an oferyas; hag, otta, i a dheber hag eva a-ragdho, ha leverel, “Re vewo myghtern Adoniya.”

1 Myghternedh 1:34

Ha gesewgh Sadok an oferyas ha Nathan an profoes dh'y untya ena avel myghtern dres Ysrael. Ena hwythewgh an hirgorn, ha leverel, “Re vewo myghtern Solomon!”

1 Myghternedh 1:7

Ev a geskusulyas gans Yoab mab Seruya, ha gans Abiathar an oferyas: hag i a ros skoedhyans dhe Adoniya.

Nehemia 6:6

Ynno y feu skrifys, ‘Derivys yw yn mysk an kenedhlow – ha Gashmu a'n lever ynwedh – ty ha'n Yedhewon dhe vynnes rebellya; henn yw prag yth es'ta ow tastrehevel an fos; may fi aga myghtern, war-lergh an geryow ma.

Nehemia 6:8

Ena my a dhannvonas dhodho, ow leverel, ‘Nyns eus ow hwarvos taklow a'n par ma dell leverydh; yth esos orth aga dysmygi mes a'th vrys dha honan.’

Oberow 23:15

Lemmyn ytho hwi war-barth gans an konsel, pysewgh an tribun a'y dhri yn-nans dhywgh, kepar ha pan esowgh ow mynnes eksamnya y gen yn leunna; ha ni agan honan yw parys dh'y ladha kyns ev dhe nesa.’