Nehemia 6:17 - An Bibel Kernewek 20234 (Kernewek Kemmyn)

¹⁷ Gans henna, y'n dydhyow na ugheloryon Yuda a dhannvonas lies lyther dhe Tobia ha lytherow Tobia a dheuth dhedha.

Nehemia 6:17 Iomraidhean Croise

Nehemia 13:28

Onan a vebyon Yoyada mab Elyashib an arghoferyas, o deuv dhe Sanballat an Horonyas; rakhenna my a'n pellhas yn-mes a'm lok.

Nehemia 13:4

Mes kyns hemma, Elyashib an oferyas a'n jevo charj a jambouryow chi agan Duw, neb o kar-ogas a Tobia

Nehemia 3:5

Nessa dhedha an Tekoysi a wrug ewnheansow; mes ny worras aga ugheloryon aga diwskoedh dhe ober aga mestrysi.

Nehemia 5:7

Lemmyn my a ombrederis y'm brys ha my a gedrynnas gans an ugheloryon ha'n soedhogyon. My a leveris dhedha, ‘Hwi a gemmer oker, pubonan dhiworth y vroder.’ Ytho my a elwis kuntelles bras er aga fynn.

Nehemia 6:16

Pan glewas oll agan eskerens anodho, oll an kenedhlow a-dro dhyn a gemmeras own, hag i a gollas omfydhyans, rag i a gonvedhas y fia an ober ma gwrys dre weres agan Duw.

Nehemia 6:18

Rag yth esa lies yn Yuda neb o kelmys dhodho gans ti, drefenn y vos deuv Shekania mab Aragh; ha'y vab Yehohanan re gemmeras myrgh Meshullam mab Berekia avel y wreg.