Nehemia 6:16 - An Bibel Kernewek 20234 (Kernewek Kemmyn)

¹⁶ Pan glewas oll agan eskerens anodho, oll an kenedhlow a-dro dhyn a gemmeras own, hag i a gollas omfydhyans, rag i a gonvedhas y fia an ober ma gwrys dre weres agan Duw.

Nehemia 6:16 Iomraidhean Croise

Nehemia 2:10

Pan glewas Sanballat an Horonyas, ha Tobia an gwas, an Ammonyas, anodho, bras o aga displesour, nebonan dhe dhos dhe hwilas les mebyon Ysrael.

Nehemia 4:1

Pan glewas Sanballat agan bos ow tastrehevel an fos, y sorr a dhewis, ha konnar bras a'n jeva, hag ev a wrug ges a'n Yedhewon.

Nehemia 4:7

Mes pan glewas Sanballat ha Tobia ha'n Arabyon ha'n Ammonysi ha'n Ashdodysi bos ewnheans fosow Yerusalem ow mos yn-rag ha'n aswaow ow talleth dhe vos deges, y fons pur serrys.

Nehemia 6:17

Gans henna, y'n dydhyow na ugheloryon Yuda a dhannvonas lies lyther dhe Tobia ha lytherow Tobia a dheuth dhedha.

Salmow 109:27

may hwodhvons bos hemma dha leuv jy, hag y feu ty, A Arloedh, a'n gwrug.

Salmow 126:2

Ena lenwys veu agan ganow a hwarth, ha'gan taves a lowena. Ena y lavarsons yn mysk an kenedhlow, ‘An Arloedh re wrug taklow meur rag an re ma.’

Salmow 129:5

Perthes meth ha bedhes treylys war-dhelergh seul a gas Sion.

Salmow 147:2

An Arloedh a dhrehav Yerusalem; ev a guntell war-barth divresow Ysrael.

Eksodus 14:25

ow taga rosow aga charettow, may fons poes dhe lewya. Ytho an Ejyptianys a leveris, ‘Fiyn a-dhiworth Ysrael; rag an Arloedh a omladh ragdha erbynn an Ejyptianys.’

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Niverow 23:23

Rag nyns eus dewinieth erbynn Yakob, na koel erbynn Ysrael. Lemmyn y fydh leverys a Yakob, hag a Ysrael, “Pandr'a wrug Duw!”

Oberow 5:38

Ytho, lemmyn my a lever dhywgh, sevewgh a-ves dhiworth an dus ma ha gesewgh i; rag mars yw a dhensys an towl ma po an ober ma, distruys vydh,

Yoshua 2:11

Ni a glewas, ha'gan kolonn a deudhis, ha nyns esa spyrys gesys yn denvyth a'gas govis; rag an Arloedh agas Duw yw Duw yn nev a-vann ha war an nor a-woeles.

Yoshua 2:9

hag yn-medh hi dhe'n wer: ‘My a woer an Arloedh dhe ri dhywgh an tir; euth ahanowgh re goedhas warnan hag oll trigoryon an tir re deudhis yn own a-ragowgh.

Yoshua 5:1

Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.