Nehemia 5:5 - An Bibel Kernewek 20234 (Kernewek Kemmyn)

⁵ Byttegyns lemmyn kepar hag yw kig agan breder, yndella yw agan kig ni; kepar ha'ga mebyon i, yndella yw agan mebyon ni; otta, yth eson ow konstryna agan mebyon ha'gan myrghes yn kethneth ha rann a'gan myrghes re beu kethhes seulabrys, mes dialloes on dh'aga dasprena drefenn tus erell dhe gavoes agan gwelyow ha'gan gwinlannow.’

Nehemia 5:5 Iomraidhean Croise

Jenesis 29:14

Hag yn-medh Laban dhodho, ‘Sur yw dha vos ow askorn ha'm kig vy’, hag yth esa trigys mis ganso.

Jenesis 37:27

Deun, gwren ni y wertha dhe'n Yshmaelysi ma na vydh agan leuv warnodho. Agan broder, agan kig ni yw ev.’ Ha'y vreder a goelas orto.

2 Myghternedh 4:1

Unn venyn yn mysk gwragedh mebyon an brofoesi a grias dhe Elisha ow leverel ‘Marow yw dha was, ow gour, ha ty a woer dha was dhe berthi own a'n Arloedh. Lemmyn kresysor re dheuth rag kemmeres ow dew vab rag bos y gethyon.’

Lavarow Koth 22:7

An den galloesek a rewl an re voghosek, hag ev neb a gyv kendon yw keth dhe'n gour a'n re.

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Ysay 58:7

A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Matthew 18:25

Hemma pan na'n jeva pygans dhe attyli, y vester a worhemmynnis may fe gwerthys keffrys ha'y wreg ha'y fleghes ha pup-tra oll a'n jeva ha'n gendon dhe vos attylys.