Nehemia 5:2 - An Bibel Kernewek 20234 (Kernewek Kemmyn)

² Yth esa re a leveri, ‘Ni ha'gan mebyon ha'gan myrghes yw lies: kevyn ni ys ragdha, may typpryn ha bewa.’

Nehemia 5:2 Iomraidhean Croise

Jenesis 41:57

Hag oll an bys a dheuth dhe Ejyp dhe brena dhiworth Yosep, rag bos an divoetter tynn yn oll an bys.

Jenesis 42:2

Ena yn-medh ev, ‘Otta, my re glewas bos ys yn Ejyp. Kewgh yn-nans di ha prena ys ragon, may hyllyn ni bewa a-der merwel.’

Jenesis 43:8

Hag yn-medh Yuda dhe Ysrael y das, ‘Dannvon an maw genev vy, ha ni a sev ha mos, may hwryllyn bewa a-der merwel, ni ha ty ha'gan fleghes.

Jenesis 47:19

Prag yth eson ni ow merwel dherag dha dhewlagas, ha ni ha'gan tir? Pren ni ha'gan tir rag bara, ha ni ha'gan tir a vydh gwesyon dhe Faro. Ro dhyn has, may fewyn ha ma na verwyn, ha ma na vo an tir dibobel.’

2 Myghternedh 4:1

Unn venyn yn mysk gwragedh mebyon an brofoesi a grias dhe Elisha ow leverel ‘Marow yw dha was, ow gour, ha ty a woer dha was dhe berthi own a'n Arloedh. Lemmyn kresysor re dheuth rag kemmeres ow dew vab rag bos y gethyon.’

Nehemia 5:3

Yth esa ynwedh neb a leveri, ‘Ni re arwoestlas agan gwelyow, agan gwinlannow, ha'gan chiow rag prena ys drefenn an divoetter.’

Haggay 1:6

Hwi a hasas kemmys, ha doen boghes tre; hwi a dheber mes nyns eus lowr dhywgh; hwi a yv mes ny omvedhwowgh; hwi a omwisk mes nyns yw denvyth toemm; ha'n re neb a dhendil gober a dhendil gober yn yalgh gans tell.

Malaki 2:2

Mar ny woslewowgh, ha mar ny worrowgh agas kolonn dhe ri glori dhe'm hanow, yn-medh Arloedh an luyow, my a dhannvon molleth warnowgh hwi, ha my a volleth agas bennathow. Yn hwir, my a's mollethis seulabrys, rag na'n gorrsowgh yn agas kolonn.

Dewteronomi 23:19

Na brest dhe'th vroder ow kovynn oker: oker arghans, oker boes, oker a dravyth arall yw prestys ow kovynn oker.