Nehemia 5:15 - An Bibel Kernewek 20234 (Kernewek Kemmyn)

¹⁵ Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Nehemia 5:15 Iomraidhean Croise

Jenesis 20:11

Hag yn-medh Abraham, ‘Rag my a brederis, Yn sur, nyns eus own Duw y'n tyller ma, hag i a'm ladh drefenn ow gwreg.

Jenesis 42:18

Y'n tressa dydh yn-medh Yosep dhedha, ‘Gwrewgh hemma ha hwi a vew; rag my a berth own a Dhuw.

Nehemia 5:16

Ynwedh my a besyas oberi gans nerth war an fos ma ha ny brensyn tir vyth: hag oll ow servysi a veu kuntellys ena rag an ober.

Nehemia 5:9

Ytho my a leveris, ‘Nyns yw da an pyth esowgh orth y wul. A ny dalvia dhywgh kerdhes yn own agan Duw rag goheles keredh an kenedhlow, agan eskerens?

Job 31:23

Rag yth esa euth dhymm a derroes dhiworth Duw, ha drefenn y ryelder ny yllyn gul henna.

Salmow 112:1

Gormelewgh an Arloedh. Gwynnvys an gour a berth own a'n Arloedh, a lowenha yn feur yn y worhemmynnow.

Salmow 147:11

Mes an Arloedh a gemmer plesour y'n re a'n own, y'n re a fydh yn y dregeredh.

Lavarow Koth 16:6

Dre dregeredh ha lenduri yw kammweyth dasprenys, ha der own an Arloedh den a omwith rag drog.

Lavarow Koth 29:12

Mar koslow rewler orth gow, y soedhogyon oll a vydh tebelwesyon.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Yeremia 32:9

Ha my a brenas gwel Hanamel mab ow ewnter esa yn Anathoth, ha poesa an arghans dhodho, seytek shekel a arghans.

Kynvannow 5:8

Kethyon a'gan rewl; nyns eus neb a'gan delirv dhiworth aga dorn.

Matthew 5:47

Ha mar ny salusewgh marnas agas breder, pandra moy a wrewgh hwi es dell wra tus erell? A ny wra ynwedh an Jentilys an keth tra?

2 Korinthianys 11:9

ha pan esen vy yn agas mysk, ha my edhommek, nyns en vy begh dhe dhenvyth; rag an vreder a dheuth dhiworth Makedonia a brovias an taklow a fylli dhymm, hag yn pub fordh my a omwitha ma na ven vy begh dhywgh, hag yndella my a wra pesya.

2 Korinthianys 12:13

Rag yn py maner yth ewgh hwi a le bri ages an eglosyow erell, marnas nag en vy ow honan begh warnowgh? Gevewgh dhymm an dhrokoleth ma!

1 Samuel 8:15

Ev a gemmer an degves a'gas greun, ha'gas gwinlannow ha'y ri dh'y soedhogyon ha'y wesyon.