Nehemia 5:10 - An Bibel Kernewek 20234 (Kernewek Kemmyn)

¹⁰ Keffrys, yma my ha'm breder ha'm servysi ow ri mona hag ys yn kendon dhedha. My a'gas pys, hedhyn ni ow kemmeres an oker ma.

Nehemia 5:10 Iomraidhean Croise

Nehemia 10:32

Ynwedh ni a sett warnan agan honan an charj dhe gowlwul an gorhemmynn dhe ri tressa rann a shekel a arghans pub blydhen rag servis chi agan Duw:

Nehemia 5:11

Daskorrewgh dhedha an jydh ma, my a'gas pys, aga gwelyow, aga gwinlannow, aga olewbrennyer ha'ga chiow ha'n oker war vona, ys, gwin hag oyl re bewgh ow kemmeres anedha.’

Nehemia 5:7

Lemmyn my a ombrederis y'm brys ha my a gedrynnas gans an ugheloryon ha'n soedhogyon. My a leveris dhedha, ‘Hwi a gemmer oker, pubonan dhiworth y vroder.’ Ytho my a elwis kuntelles bras er aga fynn.

Nehemia 5:9

Ytho my a leveris, ‘Nyns yw da an pyth esowgh orth y wul. A ny dalvia dhywgh kerdhes yn own agan Duw rag goheles keredh an kenedhlow, agan eskerens?

Salmow 15:5

neb na ros y arghans yn oker, ha na gemmeras falswober erbynn an den gwiryon. Neb a wra an taklow ma ny vydh ow trebuchya bynitha.

Ysay 58:6

A nyns yw hemma an benys a dhewisav: lewsel kadonyow sherewynsi, digelmi kroenow an yew, livra an re arweskys, ha terri pub yew?

Ezekiel 18:13

neb a re rag oker ha kemmeres goroker: a wra ev bewa? Ny vew; ev re wrug oll an taklow kasadow ma; ev a vydh gorrys dhe'n mernans yn sur; y woes a vydh warnodho y honan.

Ezekiel 18:7

nag arwaska denvyth, mes ev a dhaskorr an pyth a gemmeras avel gaja rag prestenn; mar ny wra ladrynsi, mes ev a re y vara dhe'n nownek, ha kwetha an noeth gans dillasenn,

Ezekiel 18:8

mar ny wra presta rag oker, na kemmeres goroker, mar ny dreyl y leuv dhiworth kammhynseth, mes ev a wra gwirvreus yntra gour ha gour,

Mika 2:1

Go-i neb a dhevis drogedh ha gul sherewynsi war aga gweliow! Orth dydh-tardh i a'n gwra, drefenn y vos yn galloes aga diwleuv.

2 Korinthianys 5:11

Ytho, ha ni ow kodhvos own an Arloedh, ni a berswad tus dhe grysi, hag aswonnys yn ta on ni gans Duw; hag yma govenek dhymm agan bos aswonnys yn agas kowses hwi ynwedh.

2 Korinthianys 5:20

Rakhenna, a-barth Krist kannasow on ni, kepar dell vo Duw ow pledya dredhon. Ni a'gas pys, a-barth Krist, bedhewgh unnverhes gans Duw.

2 Korinthianys 6:1

Ha ni ow kesoberi, ni a'gas pys ma na dhegemmerrowgh gras Duw yn euver;

Dewteronomi 15:2

Hemm yw gis an gevyans: pub kresysor a reless an kendon a ros dh'y gentrevek; ny arwask y gentrevek, y vroder, drefenn gevyans an Arloedh re beu gelwys.