Nehemia 4:7 - An Bibel Kernewek 20234 (Kernewek Kemmyn)

⁷ Mes pan glewas Sanballat ha Tobia ha'n Arabyon ha'n Ammonysi ha'n Ashdodysi bos ewnheans fosow Yerusalem ow mos yn-rag ha'n aswaow ow talleth dhe vos deges, y fons pur serrys.

Nehemia 4:7 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

2 Myghternedh 24:2

An Arloedh a dhannvonas er y bynn bagasow a Kaldeanys, bagasow a Aramysi, bagasow a Moabysi ha bagasow a Ammonysi; ev a's dannvonas erbynn Yuda rag y distrui, herwydh ger an Arloedh a gewsis der y wesyon an brofoesi.

2 Kroniklys 20:1

Wosa hemma an Moabysi, an Ammonysi, ha gansa re a'n Meunysi, a dheuth erbynn Yehoshafat rag batalyas.

Ezra 5:8

Re bo godhvedhys dhe'n myghtern, ni eth yn rannvro Yuda, dhe ji an Duw meur; yma ow pos drehevys gans meyn bras, hag yma prennyer desedhys y'n fosow, ha'n ober ma a bes gans diwysygneth, hag a sewen yn aga leuv.

Nehemia 2:10

Pan glewas Sanballat an Horonyas, ha Tobia an gwas, an Ammonyas, anodho, bras o aga displesour, nebonan dhe dhos dhe hwilas les mebyon Ysrael.

Nehemia 2:19

Mes pan glewas Sanballat an Horonyas, ha Tobia an gwas, an Ammonyas, ha Geshem an Arab a-dro dh'agan towlow, i a wrug ges ahanan ha'gan dispresya, ow leverel, ‘Pyth yw an dra ma esowgh hwi ow kul? Esowgh hwi ow rebellya erbynn an myghtern?’

Nehemia 4:1

Pan glewas Sanballat agan bos ow tastrehevel an fos, y sorr a dhewis, ha konnar bras a'n jeva, hag ev a wrug ges a'n Yedhewon.

Nehemia 4:6

Ytho ni a dhrehevis an fos. Hag oll an fos a veu junys war-barth dhe hanter hy ughelder, rag an bobel a lavuryas yn kolonnek.

Nehemia 4:8

Hag i oll a vrasas war-barth dhe dhos hag omladh erbynn Yerusalem, ha gul deray ynni.

Nehemia 6:16

Pan glewas oll agan eskerens anodho, oll an kenedhlow a-dro dhyn a gemmeras own, hag i a gollas omfydhyans, rag i a gonvedhas y fia an ober ma gwrys dre weres agan Duw.

Yeremia 25:20

hag oll an bobel gemmyskys, hag oll myghternedh pow Us, hag oll myghternedh pow an Filistysi, hag Ashkelon, ha Gaza, hag Ekron ha remenant Ashdod;

Yeremia 41:10

Ena Yshmael a dhug yn-mes yn kethneth remenant oll an bobel esa yn Mispa, hwath myrghes an myghtern, neb a ros Nebuzaradan kapten an withysi yn charj Gedalia mab Ahikam. Yshmael mab Nethania a's kemmeras dhe-ves yn kethneth hag omdenna rag treusi dhe'n Ammonysi.

Amos 1:13

Yndellma y lever an Arloedh: Rag tri hammweythres a vebyon Ammon, ha rag peswar, ny wrav vy hepkorr an kessydhyans; drefenn i dhe skwardya gwragedh gans flogh yn Gilead, mayth efannens aga amal.

Amos 1:8

Terri a wrav an annedhyas dhiworth Ashdod, ha'n den a syns an welenn dhiworth Ashkelon, ha my a dreyl ow dorn erbynn Ekron; ha remenant an Filistysi a dhe goll, yn-medh an Arloedh Duw.

Amos 3:9

Diskleryewgh dhe'n palesyow yn Ashdod, ha dhe'n palesyow yn pow Ejyp, ha leverewgh: ‘Omguntellewgh war venydhyow Samaria, ha gwelewgh an lies arwask eus ynni, ha'n dus arweskys a-berth ynni.’

Oberow 5:33

Ha pan glewsons hemma, i a veu serrys meur, ha mynnes aga ladha.

Diskwedhyans 12:17

Ha'n dhragon a sorras orth an venyn, hag yth eth dhe werrya gans remenant hy has neb a with gorhemmynnow Duw, ha dustuni Yesu yma gansa i.

1 Samuel 11:2

Mes Nahash an Ammonyas a worthybis, ‘War an gorholedh ma y hwrav kevambos genowgh, may hallav gorra yn-mes oll agas lagas dyghow, hag yndellma gorra disenor war oll Ysrael.’