Nehemia 2:5 - An Bibel Kernewek 20234 (Kernewek Kemmyn)

⁵ Ha my a leveris dhe'n myghtern, ‘Mar pleg dhe'n myghtern ha mar kavas dha was favour y'th wolok, dannvon vy dhe Yuda, dhe sita bedhow ow thasow, ma's dastrehaffen vy.’

Nehemia 2:5 Iomraidhean Croise

2 Samuel 14:22

Yoab a goedhas war y fas dhe'n dor hag omblegya, ha benniga an myghtern; hag yn-medh Yoab, ‘Hedhyw dha was a woer my dhe gavoes gras y'th wolok, ow arloedh, A vyghtern, drefenn an myghtern dhe wrontya govynnadow y was.’

Ezra 5:17

Ytho lemmyn, mar hevel da dhe'n myghtern, re hwiller yn kovadhow an myghtern, usi ena yn Babylon, mar peu arghadow dyllys gans Kyrus an myghtern dhe dhrehevel an chi ma a Dhuw yn Yerusalem. Ha dhannvones an myghtern y vynnas dhyn a-dro dhe'n mater ma.

Nehemia 2:4

An myghtern a leveris dhymm, ‘Pandr'a wovynnydh orthiv?’ Ytho my a bysis dhe Dhuw an nevow.

Nehemia 2:6

Ha'n myghtern a leveris dhymm, (gans an vyghternes owth esedha rybdho), ‘Pana dermyn y fydh dha vyaj, ha p'eur tehwelydh?’ Ytho pes da o an myghtern dhe'm dannvon, ha my a settyas termyn ragdho.

Ester 1:19

Mara pleg dhe'n myghtern, des gorhemmynn ryel a-dhiworto, ha bedhes skrifys yn mysk laghys Persia ha Media na yll bos daskelwys, na dheffo Vashti namoy a-dherag myghtern Ahasuerus; ha res an myghtern hy studh ryel dhe nebonan a vo gwell agessi hi.

Ester 5:8

Mar kevis vy gras yn golok an myghtern, ha mar pydh plegadow dhe'n myghtern grontya ow fysadow, ha kollenwel ow gorholedh, gwres an myghtern ha Haman dos dhe'n kevewi a wrav vy y bareusi ragdha, hag a-vorow my a wra herwydh ger an myghtern.’

Ester 7:3

Ena Ester an vyghternes a worthybis ow leverel, ‘Mar kevis vy gras y'th wolok, a vyghtern, ha mar pleg dhe'n myghtern, re bo res dhymm ow bewnans orth ow fysadow, ha'm pobel orth ow gorholedh.

Ester 8:5

Yn-medh hi, ‘Mar pleg dhe'n myghtern, ha mar kaffen vy gras a-dheragdho, ha mars yw a'n dra ewn a-ragdho, ha my plegadow yn y wolok, bedhes skrifys bos defendys dhe-ves an lytherow devisys gans Haman mab Hammedatha an Agagyas, a skrifas rag distrui an Yedhewon usi yn oll rannvroyow an myghtern:

Lavarow Koth 3:4

Yndella ty a gyv gras ha sewenyans da yn golok Duw ha densys.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Matthew 23:27

‘Go-hwi, skribys ha Fariseow, falswesyon, rag hwi yw haval dhe vedhow yw gwynnhes gans lim, teg aga semlans war-ves, mes war-ji yth yns leun a eskern tus varow hag a bub plosedhes.

Ruth 2:13

Hag yn-medh hi, ‘Gas vy dhe gavoes gras y'th tewlagas, ow arloedh, drefenn ty dhe'm konfortya, ha drefenn ty dhe gewsel orth kolonn dha vaghteth – ha my, nyns ov vy kepar hag onan a'th vaghtethyon.’