Nehemia 2:4 - An Bibel Kernewek 20234 (Kernewek Kemmyn)

⁴ An myghtern a leveris dhymm, ‘Pandr'a wovynnydh orthiv?’ Ytho my a bysis dhe Dhuw an nevow.

Nehemia 2:4 Iomraidhean Croise

2 Samuel 15:31

Lemmyn y feu derivys dhe Davydh bos Ahithofel yn mysk an vrasoryon gans Absalom. Ytho Davydh a leveris, ‘A Arloedh, my a'th pys, treyl kusul Ahithofel dhe follneth.’

1 Myghternedh 3:5

Yn Gibeon an Arloedh a omdhiskwedhas dhe Solomon yn hunros yn nos: ha Duw a leveris, ‘Govynn orthiv an pyth a vynnydh my dhe ri dhis.’

Nehemia 1:11

A Arloedh, my a'th pys, bedhes dha skovarn hewoel dhe bysadow dha was, ha dhe bysadow dha wesyon neb yw hwansek dhe berthi own a'th hanow. Ro sewena, my a'th pys, dhe'th was an jydh ma, ha gront dhodho truedh yn golok an gour ma!’ Yth en vy hanafor an myghtern.

Nehemia 1:4

Pan glewis vy an geryow ma, my a esedhas hag oela, ha kyni dres lies dydh, ha penys ha pysi a-rag Duw nev.

Nehemia 1:5

Yn-medhav, ‘My a'th pys, A Arloedh Duw nev, an Duw bras hag euthyk neb a with kevambos ha tregeredh rag an re a'n kar ha gwitha y worhemmynnow;

Nehemia 2:20

Ena my a worthybis dhedha, ow leverel, ‘Duw nev a re dhyn sewena; ha ni, y servysi, a sev ha drehevel, mes ny'gas beus rann na titel na kovadh yn Yerusalem.’

Nehemia 2:5

Ha my a leveris dhe'n myghtern, ‘Mar pleg dhe'n myghtern ha mar kavas dha was favour y'th wolok, dannvon vy dhe Yuda, dhe sita bedhow ow thasow, ma's dastrehaffen vy.’

Ester 5:3

Yn-medh an myghtern dhedhi, ‘Pyth eus dhis, a vyghternes Ester? Pyth yw dha vynnas? Kyn fo hanter an wlaskor y fydh res dhis.’

Ester 5:6

Hag yn-medh an myghtern dhe Ester pan esens owth eva gwin, ‘Pyth yw dha bysadow? Grontys vydh dhis. Ha pyth yw dha worholedh? Kyn fo hanter an wlaskor kollenwys vydh.’

Ester 7:2

Hag yn-medh an myghtern arta dhe Ester, yn nessa dydh an kevewi a win, ‘Pyth yw dha bysadow, a vyghternes Ester? ha grontys vydh dhis. Ha pyth yw dha worholedh? Kyn fo hanter an wlaskor kollenwys vydh.’

Salmow 136:26

Grassewgh dhe Dhuw an nev, rag y dregeredh a dhur bys vykken.

Lavarow Koth 3:6

Yn oll dha fordhow gwra y aswonn, hag ev a wra dhe'th hynsyow bos kompes.

Mark 10:51

Ha Yesu a worthybis dhodho ha leverel, ‘Pandr'a vynnydh orthiv y wul dhis?’ Ha'n dall a worthybis dhodho, ‘Mester, may hwellen vy arta.’

Oberow 23:19

An tribun, orth y gemmeras er an leuv a-denewen yn privedh, a wovynnas, ‘Pyth eus dhis dhe dherivas dhymm?’

Filippianys 4:6

Na vedhewgh prederus a dravyth mes yn pup-tra, dre bysadow ha govynnadow gans grasyans, bedhes an taklow a wovynnsowgh godhvedhys dhe Dhuw.