Nehemia 2:3 - An Bibel Kernewek 20234 (Kernewek Kemmyn)

³ My a leveris dhe'n myghtern, ‘Re vewo an myghtern bys vykken! Prag na via ow fas trist, pan yw difeyth an sita, tyller bedhow ow thasow, ha hy yetow re beu distruys gans tan?’

Nehemia 2:3 Iomraidhean Croise

1 Myghternedh 1:31

Ena Bathsheba a goedhas war benn-dewlin gans hy fas dhe'n leur, hag omblegya dhe'n myghtern, ha leverel, ‘Re vewo ow arloedh myghtern Davydh bys vykken.’

2 Myghternedh 25:8

Y'n pympes mis, yn seythves dydh an mis, hag yw an nownsegves blydhen a vyghtern Nebukadnessar myghtern Babylon, y teuth Nebuzaradan, kapten an gorfwythysi, gwas myghtern Babylon, dhe Yerusalem.

2 Kroniklys 21:20

Ev a veu pymthek bloedh warn ugens pan dhallathas reynya; ev a reynyas eth blydhen yn Yerusalem. Ev a dremenas ha ny'n jevo nagonan edrek a'y dremena. I a'n ynkleudhyas yn sita Davydh, a-der yn bedhow an myghternedh.

2 Kroniklys 28:27

Ahaz a goskas gans y dasow, hag i a'n ynkleudhyas y'n sita, yn Yerusalem; mes ny'n drosons yn bedhow myghternedh Ysrael. Y vab Hezekia a reynyas yn y le.

2 Kroniklys 32:33

Hezekia a goskas gans y dasow, hag i a'n ynkleudhyas war an fordh yn-bann dhe vedhow mebyon Davydh, hag oll Yuda ha trigoryon Yerusalem a ros dhodho enor yn y vernans. Y vab Manasse a reynyas yn y le.

2 Kroniklys 36:19

I a loskas chi Duw, i a dorras dhe'n dor fos Yerusalem; i a loskas oll hy falesyow gans tan, hag a dhiswrug oll hy lestri drudh.

Nehemia 1:3

Yn-medhons dhymm, ‘An remenant yw gesys a'n gethneth ena y'n rannvro yw yn galar bras ha mewl; ynwedh fos Yerusalem yw terrys dhe'n dor, ha'y yetow leskys gans tan.’

Nehemia 2:13

Ytho my eth yn-mes dre Yet an Nans y'n nos, troha Fenten an Dhragon, ha dhe Yet an Kawgh, ow hwithra fosow Yerusalem, re bia terrys dhe'n dor, ha'y yetow, re bia distruys gans tan.

Ester 8:6

rag fatell allav vy perthi gweles an drog a dheu dhe'm pobel? Ha fatell allav vy pesya ha my ow mires war derroes ow herens?’

Salmow 102:14

Rag dha wesyon a gemmer plesour yn hy meyn, hag a gemmer truedh a'y doust.

Salmow 102:15

An kenedhlow a berth own a hanow an Arloedh, hag oll myghternedh an nor a'th wolewder.

Salmow 137:6

Glenes ow thaves orth ow stevnik mar ny borthav kov ahanas, mar ny worrav Yerusalem a-ugh ow fenn-lowender.

Salmow 38:7

Rag ow diwglun yw leun a gleves kasadow, ha nyns eus yeghes y'm kig.

Yeremia 52:12

Y'n pympes mis, yn degves dydh an mis, hag a veu nownsegves blydhen Nebukadnessar myghtern Babylon, y teuth Nebuzaradan, kapten an withysi a servya myghtern Babylon, bys yn Yerusalem.

Kynvannow 2:9

Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Daniel 2:4

Ena an Kaldeanys a leveris dhe'n myghtern yn Aramaek: ‘A vyghtern, re vewi bys vykken! Gwra derivas an hunros dhe'th servysi, ha ni a dhiskwedh hy styr.’

Daniel 3:9

I a gewsis ha leverel dhe Nebukadnessar an myghtern, ‘A vyghtern, re vewi bys vykken!

Daniel 5:10

An vyghternes, dre reson geryow an myghtern ha'y arlydhi, a dheuth a-ji dhe hel an kevewi. Ha'n vyghternes a leveris, ‘A vyghtern, bys vykken re vewi! Na wrello dha brederow dha drobla, ha na wrello dha liw treylya:

Daniel 6:21

Ena y leveris Daniel dhe'n myghtern, ‘A vyghtern, re vewi bys vykken!

Daniel 6:6

Ena an lewydhyon ha'n wahalyethow ma eth yn routh dhe'n myghtern, hag a leveris dhodho, ‘A vyghtern Darius, re vewi bys vykken!

Levitikus 26:31

Ha my a wra agas sitys magoryow ha'gas sentris dibobel, ha ny vynnav blasa agas saweryow plegadow.