Nehemia 2:1 - An Bibel Kernewek 20234 (Kernewek Kemmyn)

¹ Y'n mis Nisan, y'n ugensves blydhen a Artakserkses an myghtern, pan o termyn dhe servya gwin dhodho, my a gemmeras yn-bann an gwin ha'y ri dhe'n myghtern. Ny vien vy trist kyns yn y lok.

Nehemia 2:1 Iomraidhean Croise

Jenesis 40:11

Yth esa hanaf Faro y'm dorn, ha my a gemmeras an grappys ha'ga gwaska yn hanaf Faro, ha my a ros an hanaf yn dorn Faro.’

Jenesis 40:21

ha gorra chyf an hanaforyon arta dh'y soedh hag ev a ros an hanaf yn dorn Faro.

Ezra 4:7

Hag yn dydhyow Artakserkses, Bishlam, Mithredath, Tabeel ha'ga heskowetha erell a skrifas dhe Artakserkses myghtern Persia; an lyther o skrifys yn skrif aramaek, hag y'n yeth aramaek.

Ezra 7:1

Lemmyn wosa an hwarvosow ma, yn reyn Artakserkses myghtern Persia, Ezra mab Seraya, mab Azaria, mab Hilkia,

Ezra 7:7

Ha rann a vebyon Ysrael, ha rann a'n oferysi, an Levysi, an ganoryon, an borthoryon, ha'n Nethinim eth yn-bann dhe Yerusalem ynwedh, y'n seythves blydhen a Artakserkses an myghtern.

Nehemia 1:1

Geryow Nehemia mab Hakalia. Y'n mis Kislev, y'n ugensves blydhen, pan esen vy yn Shushan an bennsita,

Nehemia 1:11

A Arloedh, my a'th pys, bedhes dha skovarn hewoel dhe bysadow dha was, ha dhe bysadow dha wesyon neb yw hwansek dhe berthi own a'th hanow. Ro sewena, my a'th pys, dhe'th was an jydh ma, ha gront dhodho truedh yn golok an gour ma!’ Yth en vy hanafor an myghtern.

Ester 3:7

Y'n kynsa mis, yw an mis Nisan, y'n dewdhegves blydhen a vyghtern Ahasuerus, tewlel Pur a wrussons, henn yw an prenn, a-dherag Haman dhe dhewis an jydh ha'n mis, ha'n prenn a goedhas war drydhegves dydh an dewdhegves mis, yw an mis Adar.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.