Nehemia 13:31 - An Bibel Kernewek 20234 (Kernewek Kemmyn)

³¹ Ha my a brovias keunys rag an offrynn yn termynyow apoyntys, ha'n kynsa frut. Porth kov ahanav, ow Duw, rag da.

Nehemia 13:31 Iomraidhean Croise

Nehemia 10:34

Hag ynwedh ni re dewlis prenn – an oferysi, an Levysi, ha'n bobel – rag an offrynn keunys, dh'y dhri yn chi agan Duw, herwydh chiow agan tasow, yn termynyow apoyntys, blydhen wosa blydhen, dhe leski war alter an Arloedh agan Duw, dell yw skrifys y'n lagha.

Nehemia 10:35

Ha ni a omgemmer an charj dhe dhri kynsa frut agan dor, ha kynsa frut a oll an frut a bub gwydhenn, blydhen wosa blydhen, dhe ji an Arloedh;

Nehemia 10:38

Hag oferyas, diyskynnys a Aron, a vydh gans an Levysi pan dhegemmerons an degedhow; ha'n Levysi a dhre yn-bann an dega a'n degedhow dhe ji agan Duw, dhe jambouryow an arghow.

Nehemia 13:14

Porth kov ahanav, ow Duw, rag oll hemma, ha na dhefend ow oberow da a wrug vy rag chi ow Duw, hag yn y servis.

Nehemia 13:22

Ena my a erghis dhe'n Levysi may omlanhahens ha mos ha gwitha an yetow rag sanshe dydh an sabot. Porth kov a hemma ynwedh y'm favour, ow Duw, ha kemmer truedh ahanav herwydh braster dha dregeredh.

Nehemia 5:19

Porth kov ahanav rag ow les, ow Duw, war-lergh pup-tra a wrug vy rag an bobel ma.

Salmow 106:4

Porth kov ahanav, A Arloedh, herwydh dha ras orth dha bobel; deus dhymm gans dha selwyans;

Salmow 25:7

Na borth kov a beghosow ow yowynkneth, na'm kammweyth; herwydh dha dregeredh porth kov ahanav, A Arloedh, a-barth dha dhader.

Luk 23:42

Hag yn-medh ev, ‘Yesu, porth kov ahanav pan dheudh y'th wlaskor.’