Nehemia 13:22 - An Bibel Kernewek 20234 (Kernewek Kemmyn)

²² Ena my a erghis dhe'n Levysi may omlanhahens ha mos ha gwitha an yetow rag sanshe dydh an sabot. Porth kov a hemma ynwedh y'm favour, ow Duw, ha kemmer truedh ahanav herwydh braster dha dregeredh.

Nehemia 13:22 Iomraidhean Croise

2 Myghternedh 20:3

‘Porth kov lemmyn, A Arloedh, my a'th pys, a fatell gerdhis a-dherag dhis yn gwiryonedh hag a leun golonn, hag a wrug an pyth yw da y'th wel.’ Hag ev a oelas yn hwerow.

2 Myghternedh 23:4

An myghtern a worhemmynnis dhe Hilkia an arghoferyas, ha'n isarghoferyas, ha gwithysi an treudhow, may trollens mes a dempel an Arloedh oll an daffar a veu gwrys rag Baal, ha rag Ashera, ha rag oll lu an nev; ev a's loskas a-ves dhe Yerusalem yn gwelyow Kidron, ha doen aga lusu dhe Bethel.

2 Kroniklys 29:24

An oferysi a's ladhas hag a wrug offrynn gans aga goes war an alter, rag gul dehwelyans a-barth oll Ysrael. Rag an myghtern a worhemmynnis may hwreller an offrynn leskys ha'n offrynn pegh a-barth oll Ysrael.

2 Kroniklys 29:27

Hezekia a worhemmynnis mayth offrynner an offrynn leskys war an alter. Pan dhallathas an offrynn leskys, an gan dhe'n Arloedh a dhallathas ynwedh, ha'n hirgern gans daffar Davydh myghtern Ysrael.

2 Kroniklys 29:30

Myghtern Hezekia ha'n soedhogyon a worhemmynnis dhe'n Levysi may kannens gormola dhe'n Arloedh gans geryow Davydh ha'n gwelesydh Asaf. I a ganas gormola gans lowena, hag i a blegyas dhe'n dor hag a wormolas.

Nehemia 12:10

Ha Yeshua a dhineythis Yoyakim, Yoyakim a dhineythis Elyashib, hag Elyashib a dhineythis Yoyada,

Nehemia 12:30

Ha'n oferysi ha'n Levysi a omlanhas aga honan; hag i a lanhas an bobel ha'n yetow ha'n fos.

Nehemia 13:14

Porth kov ahanav, ow Duw, rag oll hemma, ha na dhefend ow oberow da a wrug vy rag chi ow Duw, hag yn y servis.

Nehemia 13:31

Ha my a brovias keunys rag an offrynn yn termynyow apoyntys, ha'n kynsa frut. Porth kov ahanav, ow Duw, rag da.

Nehemia 5:19

Porth kov ahanav rag ow les, ow Duw, war-lergh pup-tra a wrug vy rag an bobel ma.

Salmow 130:7

Gwres Ysrael trestya y'n Arloedh, rag gans an Arloedh yma tregeredh, ha ganso yma daspren hel.

Salmow 5:7

Mes my a dheu y'th chi dre dha dregeredh meur; my a ombleg troha'th tempel sans yn own ahanas.

Salmow 51:1

Bydh grassyes orthiv, A Dhuw, herwydh dha dregeredh; herwydh dha druedh meur defend dhe-ves ow hammweythresow.

Ysay 38:3

ha leverel, ‘A Arloedh, porth kov, my a'th pys, fatell esen ow kerdhes a-ragos yn gwiryonedh hag a leun golonn, ha my re wrug an pyth yw da y'th wolok.’ Ha Hezekia a oelas yn hwerow.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

Dewteronomi 5:12

Gwith dydh an sabot dh'y witha sans, dell worhemmynnis an Arloedh dha Dhuw dhis.