Nehemia 13:19 - An Bibel Kernewek 20234 (Kernewek Kemmyn)

¹⁹ Pan dhallathas tewlhe orth yetow Yerusalem kyns an sabot, yth erghis vy may fe deges an yetow ha ri gorhemmynnow ma na vens igerys bys wosa an sabot. Ha my a settyas re a'm servysi orth an yetow ma na fe beghyow dres a-ji yn dydh sabot.

Nehemia 13:19 Iomraidhean Croise

Nehemia 13:20

Ytho an varchons ha'n werthoryon a varchondis a bub eghenn a wodrigas dres nos a-ves dhe Yerusalem unnweyth po diwweyth.

Nehemia 7:3

Yn-medhav dhedha, ‘Na vedhes yetow Yerusalem igerys bys pan vo toemm an howl; ha gesewgh an borthoryon dhe dhegea an darasow ha'ga frenna, hag i hwath ow sevel ena. Hag apoyntyewgh gwithysi dhiworth annedhysi Yerusalem, peub dh'y woelva ha peub a-dal y ji y honan.’

Levitikus 23:22

Ha pan vysowgh trevas agas tir, ny vysydh yn tien sornow dha wel, na ny wre'ta kuntell gesigow dha drevas. Ty a's gas rag an voghosogyon ha'n alyons. An Arloedh agas Duw ov vy.

Levitikus 23:32

Y fydh sabot solem ragowgh ha hwi a omjasti. Yn nawves dydh an mis y'n gorthugher, a'n gorthugher bys y'n gorthugher hwi a with agas sabot.

Yowann 5:10

Ytho an Yedhewon a leveris dhe'n den a veu yaghhes, ‘An sabot yw, ha nyns yw lafyl dhis ty dhe dhoen dha weli.’