Nehemia 13:15 - An Bibel Kernewek 20234 (Kernewek Kemmyn)

¹⁵ Y'n dydhyow na my a welas tus yn Yuda ow trettya gwinwaskow y'n sabot, hag ow tri a-ji bernyow ys hag orth aga beghya war asenes; hag ynwedh gwin, gwinreun, figys, ha pub eghenn arall a veghyow. I a's dhros yn Yerusalem yn dydh sabot; ytho my a's gwarnyas erbynn kwertha boes y'n jydh na.

Nehemia 13:15 Iomraidhean Croise

2 Kroniklys 24:19

Byttegyns ev a dhannvonas profoesi yn aga mysk rag aga dri arta dhe'n Arloedh; i a dhug dustuni orta, mes ny woslowsons.

Nehemia 10:31

ha mar trollo boblow an pow gwara po neb greun yn dydh sabot dhe wertha, ny brenyn dhiworta yn dydh sabot po yn dydh sans; ha pub seythves blydhen ny a as an tir anerys, ha ni a dhile oll kendonow.

Nehemia 10:32

Ynwedh ni a sett warnan agan honan an charj dhe gowlwul an gorhemmynn dhe ri tressa rann a shekel a arghans pub blydhen rag servis chi agan Duw:

Nehemia 13:16

Yth esa tus a Tyr trigys ena ynwedh, ow tri pysk ha marchondis a bub eghenn ha'ga gwertha y'n sabot dhe dus Yuda yn Yerusalem

Nehemia 13:21

Mes my a's gwarnyas ha leverel dhedha, ‘Prag yth esowgh ow spena an nos ryb an fos? Mar kwrewgh hemma arta, my a sett dalghenn ynnowgh.’ Wosa an termyn na ny dheuthons y'n sabot.

Nehemia 9:29

Ha ty a's gwarnyas rag aga threylya arta dhe'th lagha. Hwath i a faryas gans bedhekter ha ny obaysons dha worhemmynnow, mes i a beghas erbynn dha vreusow, a re bewnans dhe'n re a's gwith. Mes i a gildennas an skoedh, ha kaleshe aga hilbenn ha ny obaysons.

Job 39:12

A yllydh fydhya ynno dhe dhehweles ha dri an greun dhe'th leur-drushya?

Salmow 50:7

Klew, ow fobel, ha my a gews, ha my a dheg dustuni er dha bynn, A Ysrael; my yw Duw, dha Dhuw jy.

Eksodus 31:12

Ha'n Arloedh a leveris dhe Moyses,

Eksodus 31:16

Ytho mebyon Ysrael a wra gwitha an sabot, ow kul vri a'n sabot der aga henedhow, avel kevambos bys vykken.

Eksodus 34:21

Hwegh dydh ty a wra oberi, mes y'n seythves dydh ty a wra powes; yn termyn aras ha trevas ty a wra powes.

Eksodus 35:2

Hwegh dydh y fydh ober gwrys, mes y'n seythves dydh y'gas bydh sabot sans a bowes dhe'n Arloedh; piwpynag a wrello ober vyth ynno a vydh gorrys dhe'n mernans;

Lavarow Koth 28:4

An re a forsak an lagha a wormel an tebelwas, mes an re yw gostydh dhe'n lagha a striv er aga fynn

Ysay 58:13

Mar treylydh dha droes dhiworth terri an sabot, dhiworth gul dha blesour y'm dydh sans, mes gelwel an sabot delit, ha gelwel enorys dydh sans an Arloedh, ha'y enora heb mos y'th fordhow dha honan, heb hwilas dha blesour dha honan na gul dha negysyow dha honan,

Yeremia 17:24

Mes mar koslewowgh orthiv, yn-medh an Arloedh, ha mar ny dhegewgh begh dre yetow an sita yn dydh an sabot, mes sanshe dydh an sabot, heb gul ober vytholl ynno,

Yeremia 17:27

Mes mar ny woslewowgh orthiv, dhe sanshe dydh an sabot, ha ma na degowgh begh owth entra dhe yetow Yerusalem ganso yn dydh an sabot, ena my a enow tan yn hy yetow hag y hwra distrui palesyow Yerusalem, ha ny vydh difeudhys.

Yeremia 42:19

An Arloedh re leveris dhywgh, hwi remenant Yuda, Nag ewgh dhe Ejyp. Godhvydhewgh my dh'agas gwarnya hedhyw

Ezekiel 20:13

Byttegyns chi Ysrael a rebellyas er ow fynn y'n difeythtir. Ny gerdhsons war-lergh ow ordenansow, mes i a dhenaghas ow breusow, kyn fydh bew seul a's gwith; hag i a dhisakras ow sabotys yn feur. Ena yn-medhav, My a dhiver ow honnar warnedha y'n difeythtir, dh'aga howldhistrui.

Amos 8:5

ow leverel, ‘P'eur fydh tremenys an loer nowydh, may hyllyn gwertha greun? ha'n sabot, may hyllyn igeri marghas an ys’ – ow lehe an efa, ow kressya an shekel, hag ow toella gans fals vantolyow,

Mika 6:3

‘Ow fobel vy, pandr'a wrug evy orthis? Ha fatell y'th skwithis? Gorthyp dhymm!

Oberow 2:40

Ha gans meur a eryow erell ev a dhug dustuni ha'ga ynnia, ow leverel, ‘Bedhewgh selwys a'n henedh gorth ma.’

Oberow 20:21

hag ow tustunia keffrys dhe Yedhewon ha dhe Grekys a-dro dhe edrek a-rag Duw ha fydh yn agan Arloedh Yesu.

Galatianys 5:3

Desta a wrav dhe bub den a dhegemmer trodreghyans y fydh kendoner dhe synsi oll an lagha.

Efesianys 4:17

Hemma a lavarav ha dustunia y'n Arloedh, na wrellowgh kerdhes namoy kepar dell gerdh an Jentilys yn euveredh aga brys;

Dewteronomi 8:19

Ha mar ankevydh byth an Arloedh dha Dhuw ha kerdhes war-lergh duwow erell ha'ga servya ha plegya dhe'n dor a-ragdha, my a dhest dhywgh hedhyw, yth ewgh dhe goll devri.

1 Thessalonianys 4:6

heb treuspassya na gul kamm dh'y vroder na'y doella y'n dra ma, rag bos an Arloedh dialor yn oll an taklow ma, kepar dell leversyn dhywgh kyns ha desta.