Nehemia 12:47 - An Bibel Kernewek 20234 (Kernewek Kemmyn)

⁴⁷ Hag yn dydhyow Zerubbabel hag yn dydhyow Nehemia oll Ysrael a ri rannow dydhyek rag an ganoryon ha'n borthoryon; hag i a worras a-denewen an rann rag an Levysi erell, ha'n Levysi a worras a-denewen an rann rag mebyon Aron.

Nehemia 12:47 Iomraidhean Croise

2 Myghternedh 25:30

Rag y ventons, alowans pub-dydhyek a veu res dhodho gans an myghtern hedre ve bew.

2 Myghternedh 7:10

Ytho i a dheuth ha gelwel orth gwithysi an yet, ha leverel orta, ‘Ni eth dhe gamp Aram, mes nyns esa gour vyth, na lev den, travyth marnas mergh kelmys, hag asenes kelmys, ha'n tyldow dell ens.’

Ezra 2:2

I a dheuth gans Zerubbabel, Yeshua, Nehemia, Seraya, Reelaya, Mordekay, Bilshan, Mispar, Bigvay, Rehum, Baana. Niver gwer pobel Ysrael:

Nehemia 11:23

Rag yth esa gorhemmynn dhiworth an myghtern a-dro dhedha hag arghadow ryel rag an ganoryon ow tochya aga deverow a dhydh dhe dhydh.

Nehemia 12:1

Lemmyn an re ma yw an oferysi ha'n Levysi a dheuth yn-bann gans Zerubbabel mab Shealtiel, ha Yeshua: Seraya, Yeremia, Ezra,

Nehemia 12:12

Yn dydhyow Yoyakim, an re ma o pennow an teyluyow oferyasek: a deylu Seraya, Meraya; a Yeremia, Hanania;

Nehemia 12:26

An re ma a veu yn dydhyow Yoyakim mab Yeshua mab Yosadak, hag yn dydhyow Nehemia an governour, hag Ezra an oferyas, an skriba.

Galatianys 6:6

Neb yw katekumenus y'n ger, kevrennes gans an dyskador yn pup-tra yw da.

Dewteronomi 18:8

I a dheber kevrennow kehaval, war-barth gans an prow dhiworth gwerth eretons y dasow.