Nehemia 12:44 - An Bibel Kernewek 20234 (Kernewek Kemmyn)

⁴⁴ Y'n jydh na, gwer a veu apoyntys dhe gavoes charj a'n roumys rag an proviansow, an offrynnow, an kynsa frut ha'n degedhow, dhe guntell ynna dhiworth an gwelyow a-dro dhe'n trevow an rannow erghys der an lagha rag an oferysi ha'n Levysi; rag Yuda a lowenhas drefenn an oferysi ha'n Levysi esa ow menystra.

Nehemia 12:44 Iomraidhean Croise

1 Kroniklys 23:28

Aga dever o oberi ryb tenewen an oferysi, mebyon Aron, ha dhe weres yn servis chi an Arloedh, gans charj a'n klosow, an chambouryow, purheans oll an taklow sans, hag ober arall rag servis chi Duw;

1 Kroniklys 26:20

A'n Levysi, Ahiya a'n jevo charj a dresorvaow chi Duw ha tresorvaow an rohow sakrys.

1 Kroniklys 9:26

An peswar chyf porther, neb o Levysi, a'n jevo charj a jambouryow ha gwithvaow chi Duw.

Nehemia 10:36

ynwedh dhe dhri dhe ji agan Duw, dhe'n oferysi neb a serv yn chi agan Duw, an kynsa-genys a'gan mebyon, hag a'gan gwarthek, dell yw skrifys y'n lagha, ha'n kynsa-genys a'gan greow hag a'gan flokkys;

Lavarow Koth 8:34

Gwynnvys an den hag a woslow orthiv, ow koelyas pub dydh war ow yet, ow kwitha war bostow ow darasow.

Ysay 40:31

mes an re a worta an Arloedh a nowydhha aga nerth. I a yskynn gans eskelli avel eryon; i a boen heb bos skwith, i a gerdh heb klamdera.

Niverow 3:10

Ha ty a wra charjya Aron ha'y vebyon dhe witha aga dever oferyasek; mes mar teffo neb estren yn ogas, ev a vydh gorrys dhe'n mernans.

Romanyon 12:7

neb a serv, re serfyo; neb a dhysk, re dhysko;

Dewteronomi 18:8

I a dheber kevrennow kehaval, war-barth gans an prow dhiworth gwerth eretons y dasow.