Nehemia 12:43 - An Bibel Kernewek 20234 (Kernewek Kemmyn)

⁴³ Ha'n jydh na i a offrynnas sakrifisow bras ha lowenhe. Rag Duw a wrug dhedha lowenhe gans lowena bras; ha'n benynes ha'n fleghes a lowenhas ynwedh. Ha heudhder Yerusalem a veu klewys y'n pellder.

Nehemia 12:43 Iomraidhean Croise

2 Kroniklys 20:13

Yth esa oll Yuda ow sevel a-rag an Arloedh, gans aga fleghesigow, aga gwragedh, ha'ga mebyon.

2 Kroniklys 20:27

Ena oll pobel Yuda ha Yerusalem a dhehwelis dhe Yerusalem, gans Yehoshafat orth aga fenn, gans lowender, rag an Arloedh re rosa dhedha lowena dres aga eskerens.

2 Kroniklys 7:10

Y'n tressa dydh warn ugensves a'n seythves mis ev a dhannvonas an bobel dhe-ves dh'aga threvow, lowenek ha heudh aga holonn, drefenn an dader a dhiskwedhas an Arloedh dhe Davydh ha dhe Solomon ha dh'y bobel Ysrael.

Ezra 3:13

ma na allas an bobel dissernya yntra tros garm a lowena ha tros oelva an bobel: rag an bobel a armas gans arm ughel, ha'n son a veu klewys y'n pellder.

Nehemia 12:27

Orth sakrans fos Yerusalem i a hwilas an Levysi yn oll aga thylleryow ha'ga dri bys yn Yerusalem dhe solempnya an sakrans gans lowena ha gans grasyans ha kana, gans symbalys, telynnow, ha sowtris.

Nehemia 12:42

ha Maaseya, Shemaia, Eleazar, Uzzi, Yehohanan, Malkia, Elam, hag Ezer. Ha'n ganoryon a ganas yn ughel gans Yezraghya avel aga hembrenkyas.

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Salmow 27:6

Ha lemmyn, ow fenn a vydh ughelhes a-ugh ow eskerens a-derdro; ha my a offrynn sakrifisow a lowena yn y skovva; my a gan, ha kana gormola dhe'n Arloedh.

Salmow 28:7

An Arloedh yw ow nerth ha'm skoes; ow holonn re drestyas ynno ev, ha gweresys ov vy, ytho ow holonn a lowenha yn feur, ha gans ow han my a'n gormel.

Salmow 9:2

My a lowenha hag a vydh fest heudhik ynnos; my a gan gormola dhe'th hanow, an Ughella.

Salmow 92:4

Rag ty, A Arloedh, re'm heudhhas dre dha wriansow, orth ober dha dhiwleuv my a arm yn lowen.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Yeremia 31:13

Ena an wyrghes a lowenha y'n dons, ha'n wer yowynk ha'n henavogyon a vydh lowen, my a's hebaskha, ha ri dhedha lowena yn le aga hynvann.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Niverow 10:10

Yn dydh agas lowena ynwedh, hag yn agas goelyow ordenys, hag yn dalleth agas misyow, hwi a wra hwytha an hirgern war agas offrynnow dre dan ha war sakrifisow agas offrynnow kres; i a vydh dhywgh avel kovadh a-rag agas Duw: my yw an Arloedh agas Duw.

Matthew 21:15

Ha'n bennoferysi ha'n skribys pan welsons an marthusyon a wruga ha'n fleghes ow karma y'n tempel ow leverel, ‘Hosanna dhe vab Davydh’, yth ens i serrys,

Matthew 21:9

Ha'n routhow esa ow mos a-ragdho, ha'n re a'n siwya a armas ow leverel, ‘Hosanna dhe Vab Davydh, Benniges yw neb a dheu yn hanow an Arloedh, Hosanna y'n ughelder!’

Yowann 16:22

Hag ytho, hwi a'gas beus tristyns lemmyn; mes my a'gas gwel arta, ha'gas kolonn a lowenha, ha'gas lowena ny wra denvyth hy hemmeres dhiworthowgh.

Efesianys 5:19

ow kewsel an eyl orth y gila yn salmow ha hymnys ha kanow spyrysel, ow kana hag ow kul melodi yn agas kolonn dhe'n Arloedh;

Jamys 5:13

Eus nebonan ahanowgh grevys? Gwres ev pysi. Eus nebonan lowenek? Kanes ev salm.

1 Samuel 4:5

Pan dheuth argh kevambos an Arloedh a-bervedh y'n kamp, oll Ysrael a armas gans garm ughel, may tassonas an dor.