Nehemia 10:37 - An Bibel Kernewek 20234 (Kernewek Kemmyn)

³⁷ ha dhe dhri kynsa frut agan bleus garow, ha'gan offrynnow, ha'n frut a oll an gwydh, an win ha'n oyl, dhe'n oferysi, dhe jambouryow chi agan Duw; ha dhe dhri dhe'n Levysi an degedhow a'gan dor, rag yth yw an Levysi a guntell an degedhow yn oll an trevow le mayth oberyn.

Nehemia 10:37 Iomraidhean Croise

2 Kroniklys 31:6

Mebyon Ysrael ha Yuda trigys yn sitys Yuda a dhros ynwedh dega a jatel ha deves, ha dega an taklow re bia sakrys dhe'n Arloedh aga Duw, ha'ga gorra yn kalsow.

Nehemia 13:10

My a dhyskas ynwedh na via res rannow an Levysi dhedha, ha'n Levysi ha'n ganoryon a asas an ober yn chi Duw ha slynkya dhe-ves rag gonedha aga gwelyow aga honan.

Nehemia 13:12

Ena oll Yuda a dhros an dega a ys, gwin nowydh, hag oyl dhe'n gwithvaow.

Nehemia 13:5

a dharbarsa dhodho chambour bras may hwithsens ynno kyns-lemmyn an offrynnow greun, an frankynkys, ha'n lestri, ha'n degedhow a ys, gwin nowydh hag oyl, ragsettys rag an Levysi, an ganoryon ha'n borthoryon, ha'n kevrohow rag an oferysi.

Nehemia 13:9

My a erghis hag i a lanhas an chambouryow, ha my a wrug dhe dhaffar chi Duw, gans an offrynn greun ha'n frankynkys, bos dres ena arta.

Eksodus 13:12

ty a wra profya dhe'n Arloedh peub a iger an brys. Pub kynsa-genys a'th warthek yw gorow a vydh dhe'n Arloedh.

Eksodus 13:2

Sansha dhymm pub kynsa-genys; an kynsa dhe igeri an brys yn mysk mebyon Ysrael, ha den ha best, yw dhymm.

Levitikus 23:17

Hwi a dhre yn-mes a'gas trigvaow diw dorth-vara rag offrynn gwevys, gwrys a dhiw dhegves rann a efa. I a vydh gwrys a vleus fin, pebys gans goell, avel kynsa frut dhe'n Arloedh.

Malaki 3:10

Drewgh an dega dien a-ji dhe'n withva, may fo boes y'm chi. Prevewgh vy yn hemma, yn-medh Arloedh an luyow. A ny igorav an fenestri a nev ha diveri bennath ragowgh yw moy ages lowr?

Malaki 3:8

A lader den dhiworth Duw? Mes hwi a lader dhiworthiv. Hwi a lever, ‘Fatell ledryn dhiworthis?’ An dega ha'n offrynn!

Niverow 18:15

Pup-tra a iger an dorr a bub kig, po den po best, a offrynnons dhe'n Arloedh, a vydh dhis; byttegyns kynsa-genys mab-den ty a dhaspren, ha'n kynsa-genys a vestes avlan ty a dhaspren.

Niverow 18:18

mes aga hig a vydh dhis; kepar dell yw dhis an vronn yw gwevys ha'n vordhos dhyghow.

Niverow 18:21

Dhe'n Levysi my re ros pub dega yn Ysrael rag eretons, yn attal a'ga servis a wrons, aga servis yn tylda an kuntelles.

Romanyon 11:16

Ha mars yw an kynsa frut sans, yndella ynwedh yw an toes gwrys anedhi; ha mars yw an wreydhenn sans, yndella yw an skorrennow.

Dewteronomi 14:22

Bydh sur may tegeffi oll askorr dha has a dheu yn-mes a'n gwel blydhen wosa blydhen.

Dewteronomi 18:4

Kynsa frut dha ys, dha win, ha'th oyl, ha'n kynsa a gnew dha flokk a redh dhodho.

Dewteronomi 26:2

ty a gemmer neppyth a'n kynsa a oll frut an tir a dhredh mes a'th tir a wra an Arloedh dha Dhuw y ri dhis ha'y worra yn kanstell, ha mos dhe'n tyller a wra an Arloedh dha Dhuw y dhewis dhe wul dh'y hanow triga ena,