Nehemia 10:36 - An Bibel Kernewek 20234 (Kernewek Kemmyn)

³⁶ ynwedh dhe dhri dhe ji agan Duw, dhe'n oferysi neb a serv yn chi agan Duw, an kynsa-genys a'gan mebyon, hag a'gan gwarthek, dell yw skrifys y'n lagha, ha'n kynsa-genys a'gan greow hag a'gan flokkys;

Nehemia 10:36 Iomraidhean Croise

2 Kroniklys 31:5

Kettell lesas an ger, pobel Ysrael a ros yn palster kynsa froeth a ys, gwin, oyl, mel, hag a oll trevas an mes; hag i a dhug yn palster an dega a bup-tra.

Nehemia 12:44

Y'n jydh na, gwer a veu apoyntys dhe gavoes charj a'n roumys rag an proviansow, an offrynnow, an kynsa frut ha'n degedhow, dhe guntell ynna dhiworth an gwelyow a-dro dhe'n trevow an rannow erghys der an lagha rag an oferysi ha'n Levysi; rag Yuda a lowenhas drefenn an oferysi ha'n Levysi esa ow menystra.

Nehemia 13:5

a dharbarsa dhodho chambour bras may hwithsens ynno kyns-lemmyn an offrynnow greun, an frankynkys, ha'n lestri, ha'n degedhow a ys, gwin nowydh hag oyl, ragsettys rag an Levysi, an ganoryon ha'n borthoryon, ha'n kevrohow rag an oferysi.

Eksodus 13:2

Sansha dhymm pub kynsa-genys; an kynsa dhe igeri an brys yn mysk mebyon Ysrael, ha den ha best, yw dhymm.

Eksodus 23:19

An kynsa a gynsa frut dha dhor ty a wra dri a-ji dhe ji an Arloedh. Ny wredh bryjyon mynn yn leth y vamm.

Eksodus 34:19

Peub a iger an dorr yw dhymm, oll dha warthek gorow, kynsa-genys an vugh ha'n dhavas.

Malaki 3:10

Drewgh an dega dien a-ji dhe'n withva, may fo boes y'm chi. Prevewgh vy yn hemma, yn-medh Arloedh an luyow. A ny igorav an fenestri a nev ha diveri bennath ragowgh yw moy ages lowr?

Niverow 3:13

rag pub kynsa-genys yw dhymm; y'n jydh may ledhis pub kynsa-genys yn pow Ejyp, my a sakras dhymm ow honan pub kynsa-genys yn Ysrael, hag a vab-den hag a vest; i a vydh dhymm: my yw an Arloedh.’

Galatianys 6:6

Neb yw katekumenus y'n ger, kevrennes gans an dyskador yn pup-tra yw da.

Dewteronomi 12:6

Hwi a dhre di agas offrynnow leskys, ha'gas sakrifisow, ha'gas degedhow, hag offrynnow drehevys a'gas leuv, ha'gas ambosow, ha'gas offrynnow bolonjedhek, ha'n re kynsa-genys a'gas chatel ha'gas flokkys,