Nehemia 10:34 - An Bibel Kernewek 20234 (Kernewek Kemmyn)

³⁴ Hag ynwedh ni re dewlis prenn – an oferysi, an Levysi, ha'n bobel – rag an offrynn keunys, dh'y dhri yn chi agan Duw, herwydh chiow agan tasow, yn termynyow apoyntys, blydhen wosa blydhen, dhe leski war alter an Arloedh agan Duw, dell yw skrifys y'n lagha.

Nehemia 10:34 Iomraidhean Croise

1 Kroniklys 24:5

I a's kevrennas ow tewlel prenn, heb faverans, rag yth esa soedhogyon an sentri ha soedhogyon Duw yn mysk mebyon Eleazar ha keffrys yn mysk mebyon Ithamar.

1 Kroniklys 24:7

An kynsa prenn a goedhas dhe Yehoyarib, an nessa dhe Yedaya,

2 Kroniklys 2:3

Solomon a dhannvonas ger dhe Hiram myghtern Tyr: ‘Ty a dhannvonas prenn keder dhe Davydh ow thas dhe dhrehevel chi ragdho dhe driga ynno.

Ezra 3:5

Hag a-wosa, i a offrynnas an offrynnow leskys pub-dydhyek erell, a'n loeryow nowydh, hag a oll goelyow apoyntys an Arloedh, hag offrynnow a bubonan neb a wrug offrynn bolonjedhek dhe'n Arloedh.

Nehemia 11:1

Yth esa trigys hembrenkysi an bobel yn Yerusalem ha remenant an bobel a dewlis prenn dhe dhewis unn deylu mes a bub deg dhe driga yn Yerusalem, an sita sans, ha'n naw arall yn trevow erell.

Nehemia 13:31

Ha my a brovias keunys rag an offrynn yn termynyow apoyntys, ha'n kynsa frut. Porth kov ahanav, ow Duw, rag da.

Lavarow Koth 18:18

Tewlel prenn a worfenn disputyans, hag ervira yntra kestrivoryon gevoethek.

Ysay 40:16

Nyns yw Lebanon lowr rag keunys an tan, na'y vestes lowr rag offrynn leskys.

Levitikus 24:5

Ha ty a gemmer bleus fin ha pobas dewdhek tesenn rond ganso. Diw dhegves rann a efa a vydh yn unn desenn.

Levitikus 24:6

Ha ty a's sett yn dew rew, hwegh anedha yn unn rew, war an voes a owr pur dherag an Arloedh.

Niverow 28:2

Gorhemmynn dhe vebyon Ysrael, ha leverel dhedha: Ow offrynn, ow boes rag ow offrynnow leskys, ow sawer plegadow, gwaytyewgh profya dhymm yn y seson ewn.

Oberow 1:26

Hag i a dewlis prenn ragdha, ha'n prenn a goedhas war Matthias, ha reknys o yn mysk an unnek abostol.

Yoshua 9:27

Mes y'n jydh na Yoshua a's settyas dhe vos treghysi keunys ha tennoryon dowr rag an kuntelles ha rag alter an Arloedh, bys y'n jydh ma, y'n tyller a dhewisas.