Nehemia 10:32 - An Bibel Kernewek 20234 (Kernewek Kemmyn)

³² Ynwedh ni a sett warnan agan honan an charj dhe gowlwul an gorhemmynn dhe ri tressa rann a shekel a arghans pub blydhen rag servis chi agan Duw:

Nehemia 10:32 Iomraidhean Croise

Jenesis 28:22

ha'n men ma a wrugavy y settya yn-bann avel peulven a vydh chi Duw; hag a bup-tra a redh dhymm, my a re dhis an dega.’

1 Kroniklys 26:27

Dhiworth an preydh re bia gwaynys yn batelyow i a sakras rohow rag mentons chi an Arloedh.

Nehemia 13:15

Y'n dydhyow na my a welas tus yn Yuda ow trettya gwinwaskow y'n sabot, hag ow tri a-ji bernyow ys hag orth aga beghya war asenes; hag ynwedh gwin, gwinreun, figys, ha pub eghenn arall a veghyow. I a's dhros yn Yerusalem yn dydh sabot; ytho my a's gwarnyas erbynn kwertha boes y'n jydh na.

Nehemia 13:18

A ny wrug agas tasow gul yndella, hag a ny dhros agan Duw oll an drog ma warnan, ha war an sita ma? Hwath hwi a dhre moy sorr war Ysrael pan dhisakrowgh an sabot.’

Nehemia 13:21

Mes my a's gwarnyas ha leverel dhedha, ‘Prag yth esowgh ow spena an nos ryb an fos? Mar kwrewgh hemma arta, my a sett dalghenn ynnowgh.’ Wosa an termyn na ny dheuthons y'n sabot.

Nehemia 5:10

Keffrys, yma my ha'm breder ha'm servysi ow ri mona hag ys yn kendon dhedha. My a'gas pys, hedhyn ni ow kemmeres an oker ma.

Nehemia 9:14

ha ty a dhyskas dhedha a-dro dhe'th sabot sans, ha ri dhedha gorhemmynnow, ordenansow ha lagha dre leuv Moyses dha was.

Eksodus 23:11

mes y'n seythves blydhen ty a as dhodho powes ha bos anerys, may teppro boghosogyon dha bobel; ha'n pyth a asons, an bestes gwyls a yll dybri. Ty a wra yndellma ynwedh gans dha winlann ha gans dha olivennek.

Lavarow Koth 3:9

Enor an Arloedh gans oll dha substans, ha gans kynsa froeth a'th trevas;

2 Korinthianys 8:12

Rag mars usi an frethter ena seulabrys, kemmeradow yw herwydh pygans den, a-der herwydh an pyth nag eus ganso.