Nehemia 10:29 - An Bibel Kernewek 20234 (Kernewek Kemmyn)

²⁹ a jun gans aga breder an ugheloryon hag omgelmi gans molleth ha ti dhe gerdhes yn lagha Duw a veu res dre Moyses gwas Duw, ha dhe witha ha dhe wul oll gorhemmynnow an Arloedh agan Arloedh ha'y vreusow ha'y ordenansow.

Nehemia 10:29 Iomraidhean Croise

2 Myghternedh 10:31

Mes ny waytyas Yehu siwya lagha an Arloedh, Duw Ysrael, a leun golonn. Ny dreylyas dhiworth peghosow Yeroboam a wrug dhe Ysrael pegha.

2 Myghternedh 23:3

An myghtern a sevis ryb an goloven ha gul kevambos a-dherag an Arloedh, dhe holya an Arloedh, dhe witha y worhemmynnow ha'y dhustuniow ha'y ordenansow gans oll aga holonn hag oll aga enev, dhe fastya geryow an kevambos ma a veu skrifys y'n lyver ma. Hag oll an bobel a sevis y'n kevambos.

1 Kroniklys 9:2

An kynsa divresow dhe driga arta yn aga sitys o Ysraelysi leg, an oferysi, an Levysi, ha'n Nethinim.

2 Kroniklys 34:31

An myghtern a sevis yn y dyller hag a wrug kevambos a-rag an Arloedh, dhe holya an Arloedh, ow kwitha y worhemmynnow, y vreusow, ha'y ordenansow, gans golonn leun ha gans oll y enev, dhe oberi geryow an kevambos o skrifys y'n lyver ma.

2 Kroniklys 6:16

Ha lemmyn, A Arloedh, Duw Ysrael, gwith an ambos dhe'm tas Davydh, pan leversys, “Ny fyll dhis gour a-dhiworthiv dhe esedha war dron Ysrael, unnweyth mar kwittha dha vebyon aga fordh, dhe gerdhes yn ow lagha par dell re gerdhsys a-ragov.”

Nehemia 13:25

Ha my a's keredhis ha'ga mollethi ha gweskel re anedha ha tenna yn-mes aga blew; ha my a wrug dhedha ti re Dhuw, ow leverel, ‘Na rewgh agas myrghes dh'aga mebyon, na kemmeres aga myrghes rag agas mebyon na ragowgh hwi agas honan.

Nehemia 7:46

An Nethinim, mebyon Siha, mebyon Hasufa, mebyon Tabbaoth,

Nehemia 8:2

Hag Ezra an oferyas a dhros an lagha a-dherag an kuntelles, keffrys gwer ha benynes, ha peub a allas klewes gans konvedhes, yn kynsa dydh an seythves mis.

Nehemia 8:3

Hag ev a lennas an lagha y'n plen a-dherag Yet an Dowr dhiworth myttin a-varr bys hanter-dydh, a-dherag gwer ha benynes, ha tus a allas konvedhes; hag oll an bobel a woslowas gans rach orth lyver an lagha.

Nehemia 9:2

Ha has Ysrael a dhibarthas dhiworth estrenyon oll, ha sevel ha konfessya aga feghosow, ha kammweythresow aga thasow.

Nehemia 9:38

Drefenn hemma oll, ni a wra kevambos fyrv, ha'y skrifa; ha war an skrifenn selys yma henwyn agan pennsevigyon, agan Levysi, ha'gan oferysi.

Salmow 105:45

rag may synsens y ordenansow ha gwitha y laghys. Gormelewgh an Arloedh.

Salmow 119:106

My re dos hag afydhya, my dhe synsi dha vreusow gwiryon.

Salmow 8:1

A Arloedh, agan Arloedh, ass yw bryntin dha hanow yn oll an norvys; ty neb re worras dha wolewder a-ugh an nevow.

Salmow 8:9

A Arloedh agan Arloedh, ass yw bryntin dha hanow yn oll an norvys!

Ysay 14:1

Rag an Arloedh a gemmer truedh a Yakob, ha dewis Ysrael arta, ha ri powes dhedha war aga thiredh. Alyons a jun gansa, ha glena orth chi Yakob.

Yeremia 26:4

Ty a lever dhedha, Yndellma y lever an Arloedh: Mar ny woslewowgh orthiv, dhe gerdhes yn ow lagha hag a worris a-ragowgh,

Yeremia 34:15

Ha hwi a'gas beu edrek hedhyw hag a wrug an pyth o ewn y'm golok dre dheklarya rydhses peub dh'y gentrevek, ha hwi a wrug kevambos a-ragov y'n chi may feu ow hanow gelwys warnodho;

Ezekiel 36:27

My a worr ow Spyrys ynnowgh, ha gul dhywgh kerdhes y'm ordenansow, ha gwaytyas gwitha ow breusow.

Levitikus 20:26

Ha bedhewgh sans dhymmo vy; rag my, an Arloedh, yw sans, ha my re'gas dibarthas dhiworth an kenedhlow, dhe vos dhymmo vy.

Malaki 4:4

Perthewgh kov a lagha ow gwas Moyses, an ordenansow ha'n breusow a erghis vy dhodho war Horeb rag oll Ysrael.

Niverow 5:21

(ena gwres an oferyas gul dhe'n venyn kemmeres li an volleth, ha leverel dhe'n venyn) ‘re'th wrello an Arloedh molleth ha li yn mysk dha bobel, pan wra an Arloedh gul dha vordhos dhe wedhra ha'th torr dhe hwedhi;

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Yowann 15:14

Hwi yw ow howetha mar kwrewgh pypynag a worhemmynnav dhywgh.

Yowann 7:19

‘A ny ros Moyses an lagha dhywgh? Mes denvyth ahanowgh ny with an lagha. Prag y hwilowgh ow ladha?’

Oberow 11:23

Pan dheuth ha gweles gras Duw ev a lowenhas, hag ev a ynnias war bubonan anedha bos lel dhe'n Arloedh, furv aga holonn,

Oberow 17:34

Mes niver a wer a junyas ganso ha krysi, yn aga mysk Dionysius an Areopagit, ha benyn henwys Damaris, ha gansa re erell.

Oberow 23:21

Ty ytho, na vydh toellys gansa; rag moy es dew-ugens gour anedha a vynn y gontrewaytya, neb re omgolmas yn-dann li na wrellens dybri nag eva bys pan y'n latthens, ha lemmyn parys yns i, ow kortos dha ervirans.’

Romanyon 12:9

Gwres kerensa bos gwiryon; kesewgh an drog, glenewgh orth an da;

Dewteronomi 33:4

Moyses a worhemmynnis lagha dhyn, perghennogeth kuntellyans Yakob.

Dewteronomi 5:1

Moyses a elwis dhe oll Ysrael ha leverel dhedha: Klew, A Ysrael, an ordenansow ha'n breusow esov ow kewsel yn agas diwskovarn hedhyw, rag ma's dyskowgh, ha'ga gwitha, ha'ga gul.

Dewteronomi 5:32

Gwaytyewgh gul ytho kepar dell worhemmynnis dhywgh an Arloedh agas Duw; na dreylyewgh dhe'n dyghow na dhe'n kledh.