Nehemia 1:7 - An Bibel Kernewek 20234 (Kernewek Kemmyn)

⁷ Ni re omdhug pur dhrog er dha bynn, ha ny withsyn an gorhemmynnow, na'n ordenansow, na'n breusow a erghsys dhe'th was Moyses.

Nehemia 1:7 Iomraidhean Croise

1 Myghternedh 2:3

ha gwith charj an Arloedh dha Dhuw, dhe gerdhes yn y fordhow, dhe witha y ordenansow, y worhemmynnow, y vreusow, ha'y dhustuniow, dell yw skrifys yn lagha Moyses, may hylli seweni yn pup-tra a wredh, ha plepynag may treylydh;

2 Kroniklys 25:4

Mes ny ladhas aga mebyon, herwydh an pyth yw skrifys y'n lagha yn lyver Moyses, le may hworhemmynnis an Arloedh, ‘Ny vydh tasow ledhys a-barth mebyon, na mebyon a-barth tasow, mes pubonan a ledhir rag y beghes y honan.’

2 Kroniklys 27:2

Ev a wrug an pyth o ewn yn golok an Arloedh par dell re wrussa y das Uzzia, saw ny entras y'n tempel an Arloedh. Mes an bobel a besyas yn aga drogobereth.

Ezra 7:6

an Ezra ma a dheuth yn-bann a-dhiworth Babylon; hag ev o skriba skentel yn lagha Moyses, a wrug an Arloedh Duw a Ysrael hy ri. An myghtern a wrontyas dhodho oll y worholedhow, rag bos leuv an Arloedh y Dhuw warnodho.

Salmow 106:6

Ni re beghas gans agan tasow; ni re wrug kammweythres ha sherewneth.

Salmow 89:31

mar terrons ow ordenansow ha ny synsons ow gorhemmynnow,

Salmow 89:32

ena my a gessydh aga threuspass gans an welenn ha'ga hammweyth gans strokosow.

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Daniel 9:11

‘Ysrael oll re dorras dha lagha ha treylya dhe-denewen, ow nagha goslowes orth dha lev. Diverys warnan yma'n molleth ha'n ti hag yw skrifys yn lagha Moyses gwas Duw, rag ni re beghas er y bynn.

Daniel 9:13

Dell veu skrifys yn lagha Moyses, yma koedhys oll an droglamm ma warnan; mes ny dhiserrsyn tremmynn an Arloedh agan Duw, ow treylya dhiworth agan kammweyth hag ow konvedhes dha wiryonedh.

Hosea 9:9

Galsons down yn podredhes, avel yn dydhyow Gibea. Ev a berth kov a'ga hammhynseth, ha kessydhya aga feghosow.

Levitikus 27:34

An re ma yw an gorhemmynnow a worhemmynnis an Arloedh dhe Moyses rag mebyon Ysrael yn menydh Sinay.

Sefania 3:7

My a leveris, ‘Ty a' fydh own ahanav yn surredi; ty a dhegemmer dyskybleth’; ena ny via hy annedh treghys dhe-ves gans an kessydhyans oll a wrav er hy fynn. Mes i a omdhegi yn freth, legrys oll aga gwriansow.

Malaki 4:4

Perthewgh kov a lagha ow gwas Moyses, an ordenansow ha'n breusow a erghis vy dhodho war Horeb rag oll Ysrael.

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

Dewteronomi 4:5

Mir, my re dhyskas dhywgh ordenansow ha breusow kepar dell worhemmynnis dhymm an Arloedh ow Duw, rag may hwryllowgh yndella.

Dewteronomi 5:1

Moyses a elwis dhe oll Ysrael ha leverel dhedha: Klew, A Ysrael, an ordenansow ha'n breusow esov ow kewsel yn agas diwskovarn hedhyw, rag ma's dyskowgh, ha'ga gwitha, ha'ga gul.

Dewteronomi 6:1

Hemm yw an gorhemmynn ha'n ordenansow ha'n breusow a worhemmynnis an Arloedh agas Duw dhe dhyski dhywgh, dh'aga gul y'n tir mayth esowgh ow treusi di dh'y erita;

Diskwedhyans 19:2

rag gwir hag ewn yw y vreusow; rag ev re vreusis an hora vras a legris an nor gans hy fornikasyon, hag ev re dhiallas goes y wesyon warnedhi.’