Nehemia 1:6 - An Bibel Kernewek 20234 (Kernewek Kemmyn)

⁶ bedhes dha skovarn hewoel ha dha dhewlagas igor rag may klewvi pysadow dha was a bysav a-ragos y'n eur ma dydh ha nos rag fleghes Ysrael dha wesyon, ow konfessya peghosow fleghes Ysrael re beghsyn ni er dha bynn. Ha my ha chi ow thas re beghas.

Nehemia 1:6 Iomraidhean Croise

1 Myghternedh 8:30

Klew pledyans dha was ha'th pobel Ysrael pan bysons war-tu ha'n tyller ma; ha klew yn nev dha drigva; ha pan glewydh, gav.

1 Myghternedh 8:47

hwath mar tons dh'aga skians y'n tir may fons kemmerys yn kethneth, ha bos edregus, ha pledya genes yn tir an re a's dug yn kethneth, ow leverel, “Ni re beghas, ha kammwul; ni re wrug drogedh”,

2 Kroniklys 28:10

Lemmyn hwans a'gas beus dhe wul mebyon Yuda ha Yerusalem agas kethyon ha kethesow. A nyns owgh hwi ynwedh kablus a-rag an Arloedh agas Duw?

2 Kroniklys 29:6

Rag agan tasow re beu dislel hag i a wrug an pyth o drog yn golok an Arloedh. I a'n forsakyas, hag a dreylyas aga fas dhiworth trigva an Arloedh, ha treylya aga heyn.

2 Kroniklys 6:40

Lemmyn, ow Duw, re bo igor dha dewlagas ha re woslowo dha dhiwskovarn an pysadow gwrys y'n tyller ma.

Ezra 10:1

Lemmyn pan esa Ezra ow pysi ha konfessya, owth oela hag owth omdewlel dhe'n dor a-rag chi Duw, routh pur vras a Ysraelysi, gwer, benynes ha fleghes, a omguntellas a-dro dhodho; rag yth esa an bobel owth oela yn feur.

Ezra 10:11

Lemmyn ytho rewgh grasyans dhe'n Arloedh, Duw agas tasow, ha gwrewgh y vodh: omdhiberthewgh a-dhiworth poblow an pow, hag a-dhiworth an gwragedh estren.’

Nehemia 1:11

A Arloedh, my a'th pys, bedhes dha skovarn hewoel dhe bysadow dha was, ha dhe bysadow dha wesyon neb yw hwansek dhe berthi own a'th hanow. Ro sewena, my a'th pys, dhe'th was an jydh ma, ha gront dhodho truedh yn golok an gour ma!’ Yth en vy hanafor an myghtern.

Salmow 102:17

Ev a wra vri a bysadow an den noeth, ha ny dhispres aga fysadow.

Salmow 106:6

Ni re beghas gans agan tasow; ni re wrug kammweythres ha sherewneth.

Salmow 130:2

Arloedh, klew ow lev. Gwres dha dhiwskovarn attendya yn kluw orth lev ow govynnadow.

Salmow 32:5

My a aswonnis ow feghes dhiso jy, ha ny gudhis ow hammweyth. My a leveris, ‘My a yes ow hammweyth dhe'n Arloedh’; ha ty a avas kabel ow feghes. Sela.

Salmow 34:15

Yma dewlagas an Arloedh war an re wiryon, ha'y dhiwskovarn troha'ga kri.

Salmow 55:17

Y'n gorthugher hag y'n myttin, ha dhe hanter-dydh my a grodhvol ha kyni, hag ev a glew ow lev.

Salmow 88:1

A Arloedh Duw ow selwyans, my re armas dydh ha nos a-dheragos.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Kynvannow 5:7

Agan tasow re beghas, ny vewons hwath; ni re beu beghys gans aga drogoberow.

Daniel 9:15

‘Ha lemmyn, A Arloedh agan Duw, neb re hembronkas dha bobel yn-mes a bow Ejyp dre leuv grev, hag a wrug dhe'th hanow bos gerys-da avel y'n jydh hedhyw, pegha re wrussyn, ha gul yn trog.

Daniel 9:20

Ha my ow kewsel hag ow pysi, hag ow yes ow feghes ha peghes ow fobel Ysrael, hag ow profya ow aspysadow a-rag an Arloedh ow Duw, a-barth menydh sans ow Duw;

Daniel 9:4

Pysi war an Arloedh ow Duw ha konfessya a wrug, ow leverel, ‘Ogh Arloedh, an Duw meur hag euthyk, neb a with an kevambos ha tregeredh rag an re a'n kar ha gwitha y worhemmynnow,

Daniel 9:5

ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.

Daniel 9:8

Dhyn ni, A Arloedh, yma meth a'n fas, dh'agan myghternedh, dh'agan prynsys ha dh'agan tasow, drefenn ni dhe begha er dha bynn.

Luk 18:7

A ny wra Duw gwirvreus rag y dus dhewisys a gri warnodho dydh ha nos; a vydh ev lent ow kweres dhedha?

Luk 2:37

ha hi gwedhwes bys peswar bloedh ha peswar-ugens, neb na dhiberthi dhiworth an tempel, ow servya Duw gans penys ha pysadow dydh ha nos.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

1 Timothi 5:5

Neb yw gwedhwes wir, neb re beu gesys hy honan, re settyas hy govenek war Dhuw, ow pesya yn govynnadow ha pysadow dydh ha nos.

2 Timothi 1:3

Gras a wonn dhe Dhuw a wordhyav dell wrug ow thasow, divlam ow howses, ow perthi kov ahanas heb hedhi y'm pysadow dydh ha nos,

1 Yowann 1:9

Mar aswonnyn agan peghosow, lel yw ev hag ewnhynsek, hag ev a av dhyn agan peghosow, ha'gan glanha a bub kammhynseth.

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.