Nehemia 1:5 - An Bibel Kernewek 20234 (Kernewek Kemmyn)

⁵ Yn-medhav, ‘My a'th pys, A Arloedh Duw nev, an Duw bras hag euthyk neb a with kevambos ha tregeredh rag an re a'n kar ha gwitha y worhemmynnow;

Nehemia 1:5 Iomraidhean Croise

1 Myghternedh 8:23

Ev a leveris. ‘A Arloedh, Duw Ysrael, nyns eus Duw avellos yn nev a-vann na war an nor a-woeles, ow kwitha an kevambos ha tregeredh rag dha wesyon a gerdh a-ragos gans oll aga holonn.

1 Kroniklys 17:21

Py kenedhel arall war an nor yw haval dhe'th pobel Ysrael, mayth eth Duw dh'aga dasprena dhe vos y bobel, ow kul ragos hanow rag gwriansow bras hag euthyk, ow fesya kenedhlow a-dherag dha bobel a dhasprensys mes a Ejyp?

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Nehemia 2:4

An myghtern a leveris dhymm, ‘Pandr'a wovynnydh orthiv?’ Ytho my a bysis dhe Dhuw an nevow.

Nehemia 4:14

Ha my a viras ha sevel ha leverel dhe'n ugheloryon, ha dhe'n soedhogyon ha dhe remenant an bobel, ‘Na berthewgh own anedha. Perthewgh kov a'n Arloedh yw meur hag euthyk, hag omledhewgh rag agas breder, agas mebyon, agas myrghes, agas gwragedh ha'gas chiow.’

Nehemia 4:8

Hag i oll a vrasas war-barth dhe dhos hag omladh erbynn Yerusalem, ha gul deray ynni.

Nehemia 9:32

‘Lemmyn ytho, agan Duw, an Duw bras ha galloesek hag euthyk, neb a with kevambos ha tregeredh, na dhyght avel distyr oll an anken ma re dheuth warnan, war agan myghternedh, agan pennsevigyon, agan oferysi, agan profoesi, ha'gan tasow ha war oll dha bobel, a-dhia dermyn myghternedh Assyria bys y'n jydh hedhyw.

Salmow 47:2

Rag an Arloedh, an Ughella, yw euthyk, myghtern bras yw ev war oll an nor.

Salmow 76:8

Ty a wrug dhe'th vreus bos klewys dhiworth nev; an nor a grenas, ha spavennhe,

Salmow 89:2

Rag my re leveris, bos tregeredh drehevys bynitha; dha lelder a fastydh y'n nevow.

Salmow 89:3

‘My re wrug kevambos gans an den dewisys genev, my re dos dhe Davydh ow gwas:

Salmow 89:8

A Arloedh, Duw an luyow, piw yw galloesek avelos jy, A Arloedh? Yma dha lelder a-dro dhis.

Eksodus 20:6

mes ow tiskwedhes tregeredh war vilyow anedha a'm kar hag a with ow gorhemmynnow.

Dewteronomi 7:12

Drefenn hwi dhe glewes an breusow ma ha bos diwysyk dh'aga gul, an Arloedh dha Dhuw a with ragos an kevambos ha'n tregeredh a dos dhe'th tasow.

Dewteronomi 7:21

Na borth euth anedha, drefenn an Arloedh dha Dhuw yn agas mysk bos Duw bras hag euthyk.

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;