Nehemia 1:3 - An Bibel Kernewek 20234 (Kernewek Kemmyn)

³ Yn-medhons dhymm, ‘An remenant yw gesys a'n gethneth ena y'n rannvro yw yn galar bras ha mewl; ynwedh fos Yerusalem yw terrys dhe'n dor, ha'y yetow leskys gans tan.’

Nehemia 1:3 Iomraidhean Croise

1 Myghternedh 9:7

ena my a dregh Ysrael dhiworth an tir re res vy dhedha; ha my a dewl yn-mes a'm golok an chi re sakris rag ow hanow; hag Ysrael a vydh henlavar ha parabolenn yn mysk poblow oll.

2 Myghternedh 25:10

Oll lu an Kaldeanys, esa gans kapten an gorfwithysi, a dorras an fosow a-dro dhe Yerusalem.

2 Kroniklys 36:19

I a loskas chi Duw, i a dorras dhe'n dor fos Yerusalem; i a loskas oll hy falesyow gans tan, hag a dhiswrug oll hy lestri drudh.

Ezra 2:1

Ytho an re ma o mebyon an rannvro esa ow tos yn-bann mes a'n gethneth, a-dhiworth an dus re bia kemmerys yn-mes, a wrussa Nebukadnessar myghtern Babylon aga divroa dhe Babylon; hag i a dheuth arta dhe Yerusalem ha dhe Yuda, pub huni dh'y dre y honan.

Ezra 5:8

Re bo godhvedhys dhe'n myghtern, ni eth yn rannvro Yuda, dhe ji an Duw meur; yma ow pos drehevys gans meyn bras, hag yma prennyer desedhys y'n fosow, ha'n ober ma a bes gans diwysygneth, hag a sewen yn aga leuv.

Nehemia 11:3

An re ma yw hembrenkysi an rannvro esa trigys yn Yerusalem; mes yn sitys Yuda yth esa pubonan trigys yn y berghennogeth y honan yn aga sitys: Ysrael, an oferysi, an Levysi ha'n Nethinim, ha mebyon servysi Solomon.

Nehemia 2:13

Ytho my eth yn-mes dre Yet an Nans y'n nos, troha Fenten an Dhragon, ha dhe Yet an Kawgh, ow hwithra fosow Yerusalem, re bia terrys dhe'n dor, ha'y yetow, re bia distruys gans tan.

Nehemia 2:17

Ena my a leveris dhedha, ‘Hwi a wel an ahwer eson ni ynno, fatell yw Yerusalem difeyth, ha'y yetow leskys gans tan. Dewgh, ha drehevyn ni fos Yerusalem, ma na vydhyn synsys yn disenor namoy.’

Nehemia 2:3

My a leveris dhe'n myghtern, ‘Re vewo an myghtern bys vykken! Prag na via ow fas trist, pan yw difeyth an sita, tyller bedhow ow thasow, ha hy yetow re beu distruys gans tan?’

Nehemia 7:6

An re ma yw mebyon an rannvro a dheuth yn-bann yn-mes a gethneth, a'n dhivresow re bia degys yn divroedh gans Nebukadnessar myghtern Babylon; i a dhehwelis dhe Yerusalem ha dhe Yuda, peub dh'y dre y honan.

Ester 1:1

Lemmyn yn dydhyow Ahasuerus, (hemm yw Ahasuerus esa ow reynya a-dhiworth Eynda bys yn Ethiopia, war seyth rannvro ha hwegh ugens):

Salmow 79:4

Ni re dheuth ha bos mewl dh'agan kentrevogyon, skorn ha ges dhe'n re usi yn agan kyrghynn.

Lavarow Koth 25:28

Avel sita folsys hy fosow yw den na'n jeves omvaystri.

Ysay 43:28

Ytho my a dhisakras pennsevigyon an sentri, my a ros Yakob dhe gowldhistruyans, hag Ysrael dhe dhespit.

Ysay 5:5

Lemmyn my a dheriv dhywgh an pyth a wrav rag ow gwinlann: my a gemmer dhe-ves an ke ha hi a vydh peurva; my a wra aswa yn hy fos ha hi a vydh tir trettys.

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Yeremia 29:18

Ha my a's helgh gans an kledha, gans an divoetter, ha gans an pla, ha'ga gorra dhe vos euth dhe oll gwlaskordhow an nor, dhe vos molleth ha skruth ha hwibana, ha keredh yn mysk oll an kenedhlow le ma's fesis,

Yeremia 39:8

An Kaldeanys a loskas chi an myghtern ha chiow an bobel gans tan, hag i a dorras fosow Yerusalem.

Yeremia 42:18

‘Rag yndellma y lever Arloedh an luyow, Duw Ysrael: Par dell veu diverys ow sorr hag ow honnar war annedhysi Yerusalem, yndellma ow honnar a vydh diverys warnowgh pan ewgh dhe Ejyp. Hwi a vydh molleth, hag euth, ha milliga ha keredh. Ny welowgh an tyller ma namoy.

Yeremia 5:10

Kewgh yn-bann dre rewyow hy gwinbrennyer, ha distrui; mes na wra diwedh leun: tennewgh dhe-ves hy barrennow: rag nyns yns i dhe'n Arloedh.

Yeremia 52:14

Oll lu an Kaldeanys esa gans kapten an withysi a dorras oll an fosow a-dro dhe Yerusalem.

Kynvannow 1:7

Yerusalem a berth kov, yn dydhyow hy anken ha'y diannetter, a'y fythow desirys oll a's tevo y'n dydhyow koth. Pan goedhas hy fobel yn dorn an eskar, heb denvyth a's gweressa, an eskerens a's gwelas, ha gul ges a'y therroes.

Kynvannow 2:9

Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Kynvannow 3:61

Ty re glewas oll aga despit, A Arloedh, oll aga thowlow er ow fynn,

Kynvannow 5:1

Porth kov, A Arloedh, a'n pyth re goedhas dhyn; mir ha gweles agan meth.

Levitikus 26:31

Ha my a wra agas sitys magoryow ha'gas sentris dibobel, ha ny vynnav blasa agas saweryow plegadow.

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.