Nahum 3:3 - An Bibel Kernewek 20234 (Kernewek Kemmyn)

³ an marghek ow kodros, an kledha ow lughesi, an guw ow terlentri; niver bras a dus ledhys, ha kals a garynyes, korfow diniver; i a drebuch war aga horfow marow.

Nahum 3:3 Iomraidhean Croise

Jenesis 3:24

Ytho ev a jasyas an den yn-mes ha gorra an cherubim a'n barth est dhe lowarth Eden ha kledha ow flammya ow treylya war bub tu rag gwitha fordh an wydhenn a vewnans.

2 Myghternedh 19:35

Y'n nos na el an Arloedh eth yn-mes, ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Ysay 34:3

Aga re ledhys a vydh tewlys yn-mes, ha'ga fler a yskynn dhiworth aga horfow; aga goes a res war an menydhyow.

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Ysay 66:16

Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Ezekiel 39:4

Ty a goedh war venydhyow Ysrael, ty hag oll dha luyow, ha'n poblow eus genes; my a'th re dhe ydhyn-preydh a bub eghenn ha dhe'n bestes gwyls avel boes.

Levitikus 26:37

Hag i a goedh an eyl war y gila, kepar ha pan ve dherag kledha pan na's siw denvyth; ha ny'gas bydh galloes dhe sevel dherag agas eskerens.

Nahum 2:4

Resek gwyls a wrons an charettow y'n stretys, ow fyski a-derdro y'n plenys: aga semlans yw kepar ha faglennow, poenya a wrons pub tu avel lughesennow.

Habakkuk 3:11

An howl ha'n loer a sevis stag yn aga annedh, i a omdennas a-rag golow dha sethow hag a-rag splannder dha wuw dewynnek.