Nahum 3:19 - An Bibel Kernewek 20234 (Kernewek Kemmyn)

¹⁹ Nyns eus sawment dhe'th pystik, heb eli yw dha vrew; myns a glew dha nowodhow a dak diwla dresos; rag piw eus, ma na dremenas warnodho dha dhroktra pub eur oll?

Nahum 3:19 Iomraidhean Croise

Job 27:23

An gwyns a dak y dhiwla er y bynn yn ges ha hwibana orto yn-mes a'y le.

Ysay 37:11

Otta, ty re glewas an pyth re wrug myghternedh Assyria dhe oll an powyow, orth aga leun dhistrui. Ha ty, a vydhydh delivrys?

Ysay 37:18

Gwir yw, Arloedh, myghternedh Assyria dhe dhistrui oll an kenedhlow ha'ga thiryow,

Yeremia 10:22

Otta, son nowodhow ow tos: ha freudh meur yn-mes a dir an gogledh, dhe wul sitys Yuda ynyal, ha fow owrgeun.

Yeremia 30:12

Rag yndellma y lever an Arloedh: Ny yll dha vrew bos yaghhes, ha'th woli yw ankensi.

Yeremia 46:11

Ke yn-bann dhe Gilead ha kemmer balsam, A wyrghes, vyrgh Ejyp! Yn euver ty a wra devnydh a'th vedhegnethow; ny'gas beus yaghheans.

Kynvannow 2:15

Oll an dremenysi a dak aga diwla orthis; i a hwiban ha shakya aga fenn orth myrgh Yerusalem; ‘Yw homma an sita a veu henwys perfydh yn tekter, ha lowena oll an nor?’

Ezekiel 25:6

Rag yndellma y lever an Arloedh Duw: Drefenn ty dhe dakya diwleuv ha stankya treys, ow lowenhe gans oll an atti y'th enev erbynn pow Ysrael,

Yona 1:2

‘Sav, ke dhe Nineve, an sita vras, ha kri er hy fynn, rag aga droktra re yskynnas a-ragov.’

Mika 1:9

Rag ny yll hy goli bos yaghhes, ha re dheuth dhe Yuda, ha drehedhes dhe yet ow fobel, bys yn Yerusalem.

Diskwedhyans 13:7

Hag y feu res dhodho dhe werrya gans an syns, ha'ga fetha: ha galloes a veu res dhodho war bub loeth ha pobel ha taves ha kenedhel.

Diskwedhyans 17:2

ha gensi myghternedh an norvys re wrug fornikasyon, ha trigoryon an nor re omvedhwis dre win hy fornikasyon.’

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.