Nahum 3:18 - An Bibel Kernewek 20234 (Kernewek Kemmyn)

¹⁸ Dha vugeledh a gosk, A vyghtern Assyria, hunya a wra dha dus vryntin; skoellys yw dha bobel war an menydhyow, ha nyns eus nagonan dh'aga huntell.

Nahum 3:18 Iomraidhean Croise

1 Myghternedh 22:17

Ena Mikaya a leveris, ‘My a welas Ysrael oll keskerys war an menydhyow, avel deves na's teves bugel; ha'n Arloedh a leveris, “An re ma ny's teves mester; gas peub dhe vos tre yn kres.” ’

Eksodus 15:16

own hag euth a goedh warnedha; drefenn meuredh dha vregh, i yw kosel avel men, erna dremenno dha bobel, A Arloedh, erna dremenno dha bobel re brensys.

Ysay 13:14

Kepar hag ewik ownekhes, ha kepar ha deves heb denvyth dh'aga huntell, peub a dhehwel dh'y bobel, peub a fi dh'y dir y honan.

Ysay 47:1

Deus yn-nans hag esedh y'n doust, A wyrghes, myrgh Babylon! Esedh war an dor heb tron, myrgh Kaldea! Rag ny'th henwir na fella tender ha bleudh.

Yeremia 50:18

Ytho, yndellma y lever Arloedh an luyow, Duw Ysrael: My a gessydh myghtern Babylon ha'y dir, par dell gessydhis myghtern Assyria.

Yeremia 51:39

Yn aga gwres, my a bareus aga gwledh ha gul dhedha omvedhwi bys pan vydhons lowenek hag ena koska yn kosk bys vykken heb difuna nevra, yn-medh an Arloedh.

Yeremia 51:57

My a wra medhwi hy fennsevigyon ha'y doethyon, ynwedh hy governours, hy soedhogyon ha'y breselyoryon; i a gosk yn kosk bys vykken heb difuna nevra, yn-medh an Myghtern, ha'y hanow Arloedh an luyow.

Diskwedhyans 6:15

Ha myghternedh an norvys ha'n dus vras, ha hembrenkysi luyow, ha'n dus rych, ha'n dus krev, ha pub den keth ha den rydh a omgudhas yn mogowyow hag yn karregi an menydhyow.