Nahum 3:15 - An Bibel Kernewek 20234 (Kernewek Kemmyn)
15 Ena tan a wra dha lenki, an kledha a wra dha dreghi yn-nans, ev a'th lenk avel an lokust diaskell. Bydh niverus kepar ha'n lokust diaskell, palsha kepar ha'n hes a lokustes!
An pyth a asas an lokust yowynk an hes a lokustes re'n dybris; ha'n pyth a asas an hes, an lokust diaskell re'n dybris; ha'n pyth a asas an lokust diaskell an lokust distruel re'n dybris.
My a astiver dhywgh an blydhynyow a wrug hes an lokustes aga dybri, an lokust diaskell, an lokust distruel, ha'n lokust yowynk, ow lu bras a dhannvenis yn agas mysk.
An Arloedh Duw a dhiskwedhas hemma dhymm, hag otta, yth esa ev ow formya hes a lokustes pan dhallethi an aswels tevi – an aswels wosa treghi goera an myghtern.
Awotta, yth esov er dha bynn, yn-medh Arloedh an luyow; ha my a lesk hy charettow y'n mog, ha'n kledha a lenk dha lewyon yowynk; ha my a worr diwedh dhe'th preydha y'n norvys, ha nevra namoy ny vydh klewys lev dha gannasow.