Nahum 2:13 - An Bibel Kernewek 20234 (Kernewek Kemmyn)

¹³ Awotta, yth esov er dha bynn, yn-medh Arloedh an luyow; ha my a lesk hy charettow y'n mog, ha'n kledha a lenk dha lewyon yowynk; ha my a worr diwedh dhe'th preydha y'n norvys, ha nevra namoy ny vydh klewys lev dha gannasow.

Nahum 2:13 Iomraidhean Croise

2 Myghternedh 18:17

Myghtern Assyria a dhannvonas an pennkaslewydh ha'n Rabsaris ha'n Rabshake dhiworth Lakish dhe vyghtern Hezekia gans lu bras erbynn Yerusalem. Hag i eth yn-bann ha dos dhe Yerusalem. Wosa dos yn-bann i a dheuth ha sevel ryb dowrbons an poll gwartha, hag usi yn fordh Park an Troghyer.

2 Myghternedh 18:19

An Rabshake a leveris dhedha, ‘Leverewgh dhe Hezekia, Yndella y lever an myghtern meur, myghtern Assyria: Py fydhyans yw hemma a drestydh ynno?

2 Myghternedh 19:23

Dre leuv dha gannasow ty re skornyas an Arloedh ha leverel, “Gans ow lies charett my res eth yn-bann dhe dopp an menydhyow, dhe bella rannow Lebanon; My re droghas an hirra a'y gederwydh, an gwella a'y veryw. My re dheuth dh'y fenn pella, dhe brysk y goeswik.

2 Myghternedh 19:9

An myghtern a glewas y teuth Tirhaka myghtern Kush yn-mes dhe vatalyas orto. Ytho ev a dhannvonas kannasow dhe Hezekia arta, ow leverel,

2 Kroniklys 32:19

I a gewsis a-dro dhe Dhuw Yerusalem par dell ve ev par dhe dhuwow pobel an norvys, ober diwleuv dhenel.

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Yeremia 21:13

Otta, yth esov er dha bynn, a annedhyas an nans, ha karrek an plen, y lever an Arloedh; hwi neb a lever, ‘Piw a yll dos yn-nans er agan pynn? ha piw a yll entra yn agan annedhow?’

Yeremia 46:14

Diskleryewgh yn Ejyp, ha gwarnya yn Migdol; gwarnyewgh yn Nof hag yn Tahpanhes; leverewgh, ‘Kemmer dha savla, ha bydh parys, rag an kledha a dhevor an re a-dro dhis.’

Yeremia 50:31

Otta, yth esov er dha bynn, A dhen balgh, yn-medh an Arloedh, Duw an luyow; rag dha dhydh yw devedhys, an termyn ma'th kessydhyav.

Yeremia 51:25

Otta, yth esov er dha bynn, A venydh a dhistruyans, yn-medh an Arloedh, a dhistru oll an nor; my a ystynn ow leuv er dha bynn ha dha dhraylya dhe'n leur a'n klegeryow, ha gul dhis bos menydh leskys.

Ezekiel 13:8

Rakhenna yndellma y lever an Arloedh Duw: Drefenn hwi dhe gewsel euveredh ha gweles gwelesigethow gowek, ottavy er agas pynn, yn-medh an Arloedh Duw.

Ezekiel 21:3

ha lavar dhe diredh Ysrael, Yndellma y lever an Arloedh: Awottavy er dha bynn; my a denn ow kledha dhiworth y woen ha treghi dhiworthis an den gwiryon ha'n tebelwas.

Ezekiel 26:3

rakhenna yndellma y lever an Arloedh Duw: Otta, yth esov er dha bynn, A Tyr, ha my a dhre yn-bann lies kenedhel er dha bynn, kepar dell wra an mor dri y donnow yn-bann.

Ezekiel 28:22

ha lavar, Yndellma y lever an Arloedh Duw: Otta, yth esov er dha bynn, A Sidon, ha my a vydh enorys a-berth ynnos. I a woer my dhe vos an Arloedh pan wrav breusow ynni, ha my a vydh sanshes ynni.

Ezekiel 29:10

rakhenna otta, yth esov er dha bynn, hag erbynn dha avonyow, ha my a wra pow Ejyp ynyal kowal ha difeyth, dhiworth Migdol dhe Syene, bys yn or Ethiopia.

Ezekiel 29:3

Kows ha lavar, Yndellma y lever an Arloedh Duw: Otta, yth esov er dha bynn, A Faro myghtern Ejyp, an dhragon vras ow krowedha yn mysk hy avonyow, neb a leveris dhymm, ‘Dhymmo vy yw ow Nil; my a'n gwrug ragov vy ow honan.’

Ezekiel 35:3

ha lavar dhodho, Yndellma y lever an Arloedh Duw: Ottavy er dha bynn, A venydh Seir, ha my a ystynn ow leuv er dha bynn, ha'th wul difeyth hag ynyal.

Ezekiel 38:3

ha lavar: Yndellma y lever an Arloedh DUW: Otta, yth esov er dha bynn, A Gog, chyf pennsevik Meshek ha Tubal.

Ezekiel 39:1

Ha ty, A vab den, profoes erbynn Gog, ha lever, Yndellma y lever an Arloedh Duw: Otta, yth esov er dha bynn, A Gog, chyf pennsevik Meshek ha Tubal;

Ezekiel 5:8

rakhenna yndellma y lever an Arloedh Duw: Mir, my ow honan, yth esov er dha bynn, ha my a wra breusow a-berth ynnos a-wel dhe'n kenedhlow.

Nahum 2:12

An lew a skwardyas lowr rag y lewigow, ha taga rag y lewesow, ha lenwel a breydh y dell, ha'y fowys gans kig skwardys.

Nahum 3:1

Go-hi an sita woesek! Hi oll yw leun a wowyow hag a breydh; ny hedh an pylla.

Nahum 3:12

Dha geryow oll a vydh avel figbrennyer gans aga figys kynsa adhves; mars yns i shakys, i a goedh a-berth yn ganow neb a vynn aga dybri.

Nahum 3:15

Ena tan a wra dha lenki, an kledha a wra dha dreghi yn-nans, ev a'th lenk avel an lokust diaskell. Bydh niverus kepar ha'n lokust diaskell, palsha kepar ha'n hes a lokustes!

Nahum 3:5

mir, yth esov er dha bynn, yn-medh Arloedh an luyow, ha my a dhrehav dha lostennow dres dha fas; my a dhiskwa dha noethedh dhe'n kenedhlow, ha'th tisenor dhe'n gwlaskordhow.

Yoshua 11:6

An Arloedh a leveris dhe Yoshua, ‘Na borth own a'ga govis: rag a-vorow dhe'n prys ma my a's delirv, pubonan ledhys, a-rag Ysrael: ty a evredh aga mergh, ha leski aga charettow gans tan.’

Yoshua 11:9

Ha Yoshua a wrug dhedha dell worhemmynnis an Arloedh dhodho: ev a evredhis aga mergh, ha leski aga charettow gans tan.