Nahum 2:11 - An Bibel Kernewek 20234 (Kernewek Kemmyn)

¹¹ Ple'ma fow an lewyon, ha tyller dybri an lewyon yowynk, le may hwre an lew, an lewes, kerdhes, ha'n lewik, heb denvyth dhe worra own ynna?

Nahum 2:11 Iomraidhean Croise

Jenesis 49:9

Kolen lew yw Yuda. Dhiworth an preydh, ow mab, ty res eth yn-bann. Ev a blattyas, ev a wrowedhas kepar ha lew, ha kepar ha lewes; piw a wra dhodho sevel?

Ysay 13:7

Rakhenna pub leuv a vydh gwann, ha'n golonn a bub den a deudh.

Ysay 31:4

Rag yndellma y leveris an Arloedh dhymm: Kepar dell romm lew po lew yowynk erbynn y breydh, pan vo routh a vugeledh gelwys er y bynn, ny berth own a'ga lev na ny'n jeves euth aga thros, yn kettella Arloedh an luyow a dhiyskynn dhe vatalyas war venydh Sion, ha war hy bronn.

Ysay 5:29

Yma dhodho us kepar ha'n lew, ev a us avel lewyon yowynk; grommya a wra ha dalghenna preydh; ev a'n dre dhe-ves, ha nyns eus denvyth dh'y sawya.

Yeremia 2:15

An lewyon yowynk a vedhyglas warnodho, hag usa: i re wastyas y dir: y sitys yw leskys, heb annedhyas.

Yeremia 4:7

An lew yw devedhys yn-bann a-dhiworth y brysk, hag yma distruer an kenedhlow war y fordh: ev yw gyllys yn-rag a-dhiworth y dyller dhe wul dha dir ynyal; ha dha sitys a vydh gwastys, heb annedhyas.

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Yeremia 50:44

Otta, ev a dheu avel lew a-dhiworth kaswydh an Yordan erbynn peurva a dhur der an vlydhen, a-dhesempis my a's chas yn-mes anedhi. Piw yw an den dewisys a apoyntyav rag hemma? Piw yw haval dhymm? Piw a yll ow chalenjya? Piw yw an bugel a yll sevel er ow fynn?

Ezekiel 32:2

Mab den, kemmer kynvann yn-bann rag Faro myghtern Ejyp, ha lavar dhodho, Ty yw avel lew yowynk yn mysk an kenedhlow, ha ty yw avel euthvil y'n moryow, ow lemmel a-dro y'th avonyow, ow tervyska an dowrow gans dha dreys, hag ow stronka aga avonyow.

Yoel 2:6

A-ragdha poblow a gren: oll an fasow a gyll aga liw.

Mika 5:6

Bugelya a wrons an tir a Assyria dre gledha, ha'n tir a Nimrod dre gledha noeth; hag i a'gan delirv dhiworth Asshur pan dheffo yn agan tir ha trettya a-berth yn agan or.

Nahum 2:12

An lew a skwardyas lowr rag y lewigow, ha taga rag y lewesow, ha lenwel a breydh y dell, ha'y fowys gans kig skwardys.

Nahum 3:1

Go-hi an sita woesek! Hi oll yw leun a wowyow hag a breydh; ny hedh an pylla.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Niverow 23:24

Awotta pobel a sev avel lewes, hag a omdhrehav avel lew; ny wrowedh bys pan dhevor an preydh, hag eva goes an re ledhys.’