Nahum 1:3 - An Bibel Kernewek 20234 (Kernewek Kemmyn)

³ An Arloedh yw lent ow serri, ha meur y nerth, ha'n Arloedh ny gas mann an debeles heb kessydhyans. Yma y fordh y'n korwyns hag y'n annawel, ha'n kommol yw doust y dreys.

Nahum 1:3 Iomraidhean Croise

2 Samuel 22:10

Ev a blegyas an nevow, hag a dheuth yn-nans; yth esa tewolgow yn-dann y dreys.

Nehemia 9:17

I a skonyas a woslowes, ha ny borthsons kov a'n marthusyon a wrussys yn aga mysk; mes i a dheuth ha bos kales aga hilbenn, hag y feu bodh aga brys dhe dhehweles dh'aga hethneth yn Ejyp. Mes ty yw Duw neb yw parys dhe ava, grassyes ha truedhek, lent ow serri, hag ow palshe yn tregeredh, ha ny wrussys aga forsakya.

Job 10:14

Mar peghav, ty a'm merk, ha ny'm assoylydh a'm kammweyth.

Job 38:1

Ena an Arloedh a worthybis dhe Job dhiworth an korwyns:

Job 9:4

Fur yw ev y'n golonn, ha galloesek yn nerth. Piw re settyas y honan er y bynn ha seweni?

Salmow 103:8

An Arloedh yw truedhek ha grassyes, lent ow serri ha meur y dregeredh.

Salmow 104:3

neb a worr kebrow y jambouryow y'n dowrow, hag a wra an kommol y jarett, hag a gerdh war eskelli an gwyns;

Salmow 145:8

An Arloedh yw grassyes ha truedhek, lent ow serri ha meur y dregeredh.

Salmow 147:5

Meur yw agan Arloedh, ha meur yw y nerth; heb fin yw y gonvedhes.

Salmow 50:3

Agan Duw a dheu, heb tewel, tan a dheber a-dheragdho, hag annawel veur a vydh a-dro dhodho.

Salmow 62:11

Unnweyth re gewsis Duw, my re glewas hemma diwweyth: bos galloes dhe Dhuw.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ysay 29:6

Arloedh an luyow a dheu dhis gans taran ha dorgrys ha gans tros meur, gans tewedh hag annawel, ha flamm a dan ow kowlleski.

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Yeremia 4:13

Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Daniel 7:13

My a welas yn gwelesigethow an nos, ottena yn mysk kommol an nev yth esa onan avel Mab an den ow tos; ev a dheuth bys y'n Koth a'n dydhyow hag i a'n hembronkas yn y ogas.

Hosea 8:7

I re hasas an gwyns, ha mysi an korwyns. Garrow an ys ny's teves penn; ny wra bleus. Mar kwrello greun, ena estrenyon a wra y lenki.

Yoel 2:13

Skwardyewgh agas kolonn, a-der agas dillas, ha treylyewgh arta dhe'n Arloedh agas Duw, rag grassyes ha truedhek yw, lent ow serri, ha meur y dregeredh, hag ev a gemmer edrek a'n drog.

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Zekaria 9:14

Ena an Arloedh a omdhiskwedh a-ughta; y seth a yn-mes avel lughes. An Arloedh Duw a hwyth an hirgorn, ha mos yn-rag yn korwynsow an dyghow,

Niverow 14:18

“An Arloedh yw lent ow serri, lenwys a dregeredh, ow kava kammweyth ha peghadow, mes ny vynn war neb kor klerhe an re gablus, ow kessydhya kammhynseth tasow war fleghes, war an tressa ha'n peswora henedh.”

Matthew 26:64

Yesu a leveris dhodho, ‘Ty re'n leveris; mes hwath yn-medhav dhywgh, Wosa hemma, hwi a wel Mab an den esedhys a'n barth dhyghow dhe'n galloes hag ow tos war gommol an nev.’

Jamys 1:19

Godhvydhewgh hemma, ow breder veurgerys. Bedhes pub den skav dhe glewes, lent dhe gewsel, lent dhe serri.

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.