Nahum 1:2 - An Bibel Kernewek 20234 (Kernewek Kemmyn)

² An Arloedh yw Duw neb a berth avi, hag a gemmer dial; dialor yw an Arloedh ha meur y sorr; an Arloedh a gemmer dial war y eskerens, hag ev a with y sorr erbynn y envi.

Nahum 1:2 Iomraidhean Croise

Job 20:23

Wosa ev dhe lenwel y dorr Duw a dhannvon y sorr fers warnodho, ha gul dhodho koedha warnodho avel glaw, hag ev ow tybri.

Salmow 94:1

A Arloedh, ty Dhuw a dhial, ty Dhuw a dhial, omdhiskwa.

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Eksodus 34:14

rag ny wordhydh ken Duw, rag an Arloedh, neb yw y hanow Avius, yw Duw avius;

Eksodus 34:7

ow kwitha tregeredh rag milyow, ow kava kammweyth ha kammdremenans ha pegh, mes neb na as an re gablus heb kessydhyans, ow korra kammweyth an tasow war an fleghes, ha war fleghes an fleghes dhe'n tressa ha'n peswora henedh.’

Ysay 42:13

An Arloedh a yn-mes avel gour krev, avel kasor y tifun ev y gonnar, ev a gri, ev a arm yn ughel, ev a dhiskwedh y nerth erbynn y eskerens.

Ysay 51:17

Difun, difun! Sav yn-bann, A Yerusalem, ty neb re evas orth dorn an Arloedh hanaf y sorr, neb re evas bys y'n godhes an bolla a vedhwenep.

Ysay 51:20

Dha vebyon re glamderas, i re wrowedhas orth penn pub stret avel gavrewik yn roes; leun yns a gonnar an Arloedh, keredh dha Dhuw.

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Yeremia 25:15

Rag yndellma y lever an Arloedh, Duw Ysrael dhymm: Kemmer hanaf gwin an sorr ma a'm leuv, ha gwra dhe bub kenedhel, ma'th tannvonav, y eva.

Yeremia 28:8

An brofoesi hag a dheuth kyns my ha kyns ty a'n termyn koth a brofoesas erbynn lies pow, hag erbynn gwlaskordhow meur, a vresel, divoetter, a drogedh hag a bla.

Yeremia 3:5

A vydh ev serrys bys vykken? A wra ev gwitha y sorrvann dhe'n diwedh?’ Yndella ty re gewsis; mes ty re wrug oll an drogedh a yllsys.

Yeremia 36:7

Y hyll bos aga fledyans dhe dhos a-rag an Arloedh, hag i oll dhe dreylya a'ga drog fordhow, rag meur yw an sorr ha konnar re leveris an Arloedh erbynn an bobel ma.’

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Yeremia 50:15

Germewgh orti a bub tenewen, ‘Hi re omros; hy thouryow yw koedhys, hy fosow yw tewlys dhe'n dor.’ Rag hemm yw dial an Arloedh: diellewgh warnedhi, gwrewgh dhedhi an pyth a wrug hi.

Kynvannow 4:11

An Arloedh re gowlwrug y sorr, ha dyllo y sorr fers, hag enowi tan yn Sion a dhevoryas hy selyow.

Ezekiel 36:6

Rakhenna, profoes a-dro dhe bow Ysrael, ha lavar dhe'n menydhyow, dhe'n brennow, dhe'n goverow, ha dhe'n nansow, Yndellma y lever an Arloedh Duw, Otta, my re gewsis y'm avi hag y'm sorrvann, rag hwi dhe berthi skorn an kenedhlow.

Ezekiel 38:18

Y'n jydh na, pan dheu Gog erbynn pow Ysrael, yn-medh an Arloedh Duw, ow sorr a dhifun.

Ezekiel 38:19

Y'm avi hag y'm sorrvann my a dheklar: Y'n jydh na y fydh dorgrys bras war diredh Ysrael.

Ezekiel 39:25

Rakhenna yndellma y lever an Arloedh Duw: Lemmyn my a dreyl kethneth Yakob ha kemmeres truedh war oll chi Ysrael; ha my a vydh avius rag ow hanow sans.

Ezekiel 5:13

Ena ow sorr a vydh kowlwrys, ha'm konnar er aga fynn a wrav dhe bowes, ha my a vydh diellys; hag i a woer my, an Arloedh, dhe gewsel y'm avi, pan wrav vy kowlwul ow honnar er aga fynn.

Ezekiel 6:12

Neb yw a-bell a verow der an plag, ha neb yw ogas a goedh der an kledha, ha neb yw gesys po gwithys a verow dre dhivoetter. Yndella my a gowlwra ow honnar warnedha.

Ezekiel 8:18

Ytho my a ober yn sorr; ny gemmer ow lagas truedh na ny's sparyav. Kyn krions y'm diwskovarn gans lev ughel ny woslowav orta.’

Yoel 2:18

Ena y hwra an Arloedh perthi avi orth y dir, ha kemmeres pita a'y dus.

Levitikus 26:28

ena my ynwedh a gerdh kontrari dhywgh hwi, ha my ynwedh a wra agas kessydhya seythgweyth rag agas peghosow.

Mika 5:15

Hag yn sorr hag yn konnar y talvydhav dial war an kenedhlow na obayas.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Zekaria 1:14

Ena an el esa ow kewsel orthiv a leveris dhymm, Kri, ow leverel: Yndellma y lever Arloedh an luyow: Avi bras a'm beus a-barth Yerusalem ha Sion,

Zekaria 8:2

Yndellma y lever Arloedh an luyow: My yw pur avius rag Sion; avius ov rygdhi gans gwres meur.

Niverow 25:11

‘Finehas mab Eleazar, mab Aron an oferyas, re dhastreylyas ow sorr a-dhiworth mebyon Ysrael, rag y vos avius, avel gans ow avi vy, yn aga mysk. Ytho ny dhistruis mebyon Ysrael y'm avi.

Romanyon 12:19

Na omdhialewgh, hwi garadowyon, mes rewgh le dhe gonnar Duw; rag skrifys yw, ‘Dial yw dhymm, my a attal’, yn-medh an Arloedh.

Romanyon 13:4

Rag gwas Duw yw ev rag dha dhader. Mar kwredh drog, porth own, rag ny dheg ev an kledha yn euver. Gwas Duw yw ev, dialor rag konnar war an drogoberer.

Dewteronomi 4:24

Rag an Arloedh dha Dhuw yw tan ow tevorya, Duw avius.

Dewteronomi 7:10

mes owth attyli dh'aga fas an re usi orth y gasa, dh'aga distrui. Ny dhelat rag neb a wra y gasa; ev a wra y attyli dh'y fas.

Ebrowyon 10:30

Rag ni a'n aswonn neb a leveris, ‘Dhymmo vy yw an dial; my a attal.’ Hag arta, ‘An Arloedh a wra breusi y bobel.’

Yoshua 24:19

Yoshua a leveris dhe'n bobel, ‘Ny yllowgh servya an Arloedh. Duw sans yw ev, Duw a avi yw, ny wra ev gava agas treuspassow na'gas peghosow.

2 Peder 2:9

ena an Arloedh a woer delivra tus dhuwek yn-mes a brevyans, mes gwitha tus kammhynsek yn-dann gessydhyans bys dydh breus,