Nahum 1:14 - An Bibel Kernewek 20234 (Kernewek Kemmyn)

¹⁴ Ha'n Arloedh re ros gorhemmynn y'th kever: ‘Ny vydh has dhiworth dha hanow namoy; dhiworth chi dha dhuwow y troghav dhe-ves an imaj gravys ha'n imaj teudh; my a bareus dha vedh; rag ty yw distyr.’

Nahum 1:14 Iomraidhean Croise

2 Myghternedh 19:37

Hag y hwarva, pan esa ow kordhya yn chi y dhuw Nisrok, y vebyon Adrammelek ha Shareser a'n ladhas gans an kledha, hag i a skapyas dhe bow Ararat. Hag Esarhaddon y vab a reynyas yn y le.

2 Kroniklys 32:21

Ha'n Arloedh a dhannvonas el neb a ladhas oll an gasoryon alloesek ha'n gaslewydhyon ha'n soedhogyon yn kamp myghtern Assyria. Ytho ev a gildennas yn disenor dh'y dir y honan. Pan dheuth yn chi y dhuw, re a'y vebyon a'n weskis dhe'n dor gans an kledha.

Job 18:17

Kov anodho a dhe goll dhiworth an norvys, ha ny vydh hanow dhodho y'n stret.

Salmow 109:13

Bedhes y linyeth diwreydhys, ha bedhes y hanow defendys dhe-ves y'n henedh a siw.

Salmow 71:3

Bydh dhymm karrek grev may tyffiv dhedhi pup-prys; ty re worhemmynnis ow selwel, rag ty yw ow harrek ha'm kastell.

Eksodus 12:12

Rag my a wra tremena dres pow Ejyp an nos na, ha my a wra gweskel pub kynsa-genys yn pow Ejyp, ha den ha best; ha war dhuwow Ejyp my a wra breus: my yw an Arloedh.

Lavarow Koth 10:7

Kovadh an den gwiryon yw bennath, mes hanow an debeles a boder.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ysay 33:13

Klewewgh, an re yw a-bell, pandr'a wrug vy; aswonnewgh ow galloes, an re yw ogas.

Yeremia 50:2

Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.

Daniel 11:21

Yn y le y hwra sevel onan dispresadow, ma nag yw res dhodho meuredh ryel; ev a dheu yn termyn a gres, ha gwaynya an ruvaneth dre doell.

Daniel 5:27

tekel, ty re beu poesys y'n vantol ha kevys re skav;

Levitikus 26:30

Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

Mika 5:13

ha my a dregh dhe-ves dha imajys gravys ha'th peulveyn a-dhiworthis, ha ny wredh omblegya namoy a-rag ober dha dhiwdhorn;

Mika 5:14

ha my a dhiwreydh dha Asherim a-dhiworthis, ha diswul dha sitys.

Habakkuk 2:10

Ty re dhros meth dhe'th chi ow tistrui lies pobel, hag ow pegha erbynn dha enev dha honan.

1 Samuel 3:13

Rag my re leveris dhodho, a verr spys my dhe vreusi y ji bys vykken, rag an kammweyth a wodhya, drefenn bos y vebyon ow molleth Duw, ha ny's lettyas.