Nahum 1:10 - An Bibel Kernewek 20234 (Kernewek Kemmyn)

¹⁰ Rag kepar ha spern kesplethennys, ha kepar ha diwes pennow medhow, devorys vydhons, kepar ha sowl fest sygh.

Nahum 1:10 Iomraidhean Croise

2 Samuel 13:28

Ena Absalom a erghis dh'y wesyon, ha leverel, ‘Merkyewgh pan yw y golonn meri gans gwin, ha pan lavarav dhywgh, “Gweskewgh Amnon”, ena ledhewgh ev. Na berthewgh own; a ny erghis dhywgh? Bedhewgh krev ha bedhewgh kolonnek.’

Salmow 118:12

I a hesyas a-dro dhymm avel gwenen; i a dhewis avel tan a dhreyn; rag yn hanow an Arloedh my a wra aga distrui.

Salmow 68:2

Dell yw mog pellhes, yndella gwra aga fellhe i; ha dell deudh koer a-dherag an tan, yndella es an debeles dhe goll a-dherag Duw.

Eksodus 15:7

Yn braster dha veuredh ty a dewl dhe'n dor neb a sev er dha bynn; ty a dhannvon yn-rag dha sorr hag a's devor avel sowl.

Eksodus 5:12

Ytho an dus a veu skattrys a-les dre bow Ejyp oll, ow kuntell sowl rag kala.

Ysay 27:4

Nyns ov vy serrys. A pe spedhas ha spern, y keskerdhsen er aga fynn yn batel ha'ga leski oll yn tien.

Ysay 47:14

Mir, avel sowl yth yns, an tan a's lesk; ny's teves omdhelivra dhiworth nerth an flamm. Nyns yw hemma glow rag omdoemma, na tan mayth esedhir a-ragdho.

Ysay 5:24

Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.

Ysay 56:12

‘Dewgh’, yn-medhons, ‘gesewgh vy dhe gavoes gwin! Evyn agan gwalgh a gorev. An vorow a vydh avel hemma, po brassa hwath.’

Ysay 9:18

Ytho kammhynseth a lesk avel tan, ow tevorya spedhas ha spern, ha leski prysk an koes, ha troyllya yn-bann yn koloven mog.

Yeremia 51:39

Yn aga gwres, my a bareus aga gwledh ha gul dhedha omvedhwi bys pan vydhons lowenek hag ena koska yn kosk bys vykken heb difuna nevra, yn-medh an Arloedh.

Yeremia 51:57

My a wra medhwi hy fennsevigyon ha'y doethyon, ynwedh hy governours, hy soedhogyon ha'y breselyoryon; i a gosk yn kosk bys vykken heb difuna nevra, yn-medh an Myghtern, ha'y hanow Arloedh an luyow.

Mika 7:4

An gwella anedha yw haval dhe spedhasenn, an moyha ewnhynsek haval dhe ge dren. Dydh dha woelyoryon ha'th kessydhyans yw devedhys: yma aga deray ow tegynsiwa.

Nahum 3:11

Ty ynwedh a vydh medhow, ty a omgudh; ty ynwedh a hwila skovva dhiworth an eskar.

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

1 Samuel 25:36

Abigayl a dheuth dhe Nabal; hag, otta, yth esa ev ow synsi kevewi yn y ji, kepar ha kevewi myghtern. Ha kolonn Nabal o lowenek a-ji dhodho, rag ev o pur vedhow; rakhenna ny dherivas hi travyth orto, byghan na bras, bys yn golow myttin.