Mika 7:9 - An Bibel Kernewek 20234 (Kernewek Kemmyn)

⁹ My a berth sorrvann an Arloedh, drefenn re beghis er y bynn, bys pan bled ow hen ha gul breus ragov. Ev a'm hembronk y'n golow; y hwelav y ewnder.

Mika 7:9 Iomraidhean Croise

2 Samuel 24:17

Ha pan welas Davydh an el esa ow kweskel an bobel, ev a leveris dhe'n Arloedh, ‘Otta, my ow honan re beghas, ha my re wrug drog; mes an deves ma, pyth a wrussons? Hedh dha dhorn, my a'th pys, bydh er ow fynn, hag erbynn chi ow thas.’

Job 23:10

Mes ev a aswonn ow fordh vy; mara'm proffa, gylsen vy yn-mes kepar hag owr.

Job 35:14

Pyseul dhe le, ytho, y hwoslow pan leverydh na yllydh y weles, bos an ken dheragdho ha ty dhe vos orth y wortos.

Salmow 119:154

Pled ow hen, ha daspren vy; bewha vy herwydh dha lavar.

Salmow 37:6

Ev a wra dhe'th ewnder splanna avel golow, ha'th wirvreus avel hanter-dydh.

Salmow 43:1

Breus vy, A Dhuw, ha pled ow hen erbynn kenedhel ansans; gwra ow delivra dhiworth an falswas ha'n sherewa.

Salmow 7:6

Sav, A Arloedh, y'th sorr; omdhrehav erbynn koler ow eskerens; ha difun, A Dhuw, y'n gwirvreus a worhemmynnsys.

Salmow 94:15

Rag gwirvreus a dhehwel dhe wiryonedh, hag oll an re ewnhynsek aga holonn a hol war hy lergh.

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Ysay 42:7

rag igeri an dhewlagas dhall, dhe dhoen yn-mes an brisnoryon a'n vagh, dhiworth an prison an re a esedh yn tewlder.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 51:22

Yndellma y lever dha Arloedh, an Arloedh, dha Dhuw neb a bled ken y bobel: Otta, my re gemmeras dhiworth dha dhorn an hanaf a vedhwenep. Ny evydh nevra na fella a volla ow honnar.

Ysay 56:1

Yndellma y lever an Arloedh: Gwithewgh gwirvreus ha gwrewgh ewnder, rag ow selwyans a dheu a verr spys ha'm ewnder a vydh diskudhys.

Yeremia 10:19

Go-vy a'm pystik! Ow goli yw ankensi: mes my a leveris, Yn hwir hemm yw ow duwon, ha res yw dhymm y berthi.

Yeremia 14:7

Kyn hwra agan drogoberow doen dustuni er agan pynn, A Arloedh, gwra neppyth a-barth dha hanow; rag agan dislelder yw meur; ni re beghas er dha bynn.

Yeremia 51:10

An Arloedh re dhros yn-mes agan gwiryow: dewgh, derivyn yn Sion ober an Arloedh agan Duw.

Kynvannow 1:18

Gwiryon yw an Arloedh, drefenn ow bos diwostydh erbynn y anow; klewewgh, my a'gas pys, hwi boblow oll, ha mirewgh orth ow galar; ow gwyrghesow ha'm gwer yowynk res eth yn kethneth.

Levitikus 26:41

may hwrug vy ynwedh kerdhes kontrari dhedha i, ha'ga dri bys yn tir aga eskerens; mars yw uvelhes aga holonnow antrodreghys, ha mar mynnons gul amendys rag aga hammweyth,

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

1 Samuel 24:15

Rakhenna re bo an Arloedh breusyas, ha breusi yntra my ha ty, ha gweles, ha pledya ow hen, ha'm delivra mes a'th leuv.’

1 Samuel 25:39

Ha pan glewas Davydh bos Nabal marow, yn-medh ev, ‘Benniges re bo an Arloedh neb re ventenas ow hen rag an despit dhiworth leuv Nabal, hag ev re withas y was dhiworth drog; rag an Arloedh re dreylyas drogober Nabal war y benn y honan.’ Ena Davydh a dhannvonas ha kewsel gans Abigayl, dh'y hemmeres dhodho, dh'y hemmeres avel y wreg.

1 Samuel 26:10

Hag yn-medh Davydh ynwedh, ‘Dell vew an Arloedh, an Arloedh a'n gwysk dhe'n dor; po y jydh a dheu dhe verwel; po ev a wra mos yn-nans yn batel ha merwel.

1 Samuel 3:18

Ha Samuel a dherivas dhodho pup-tra ha ny gudhas travyth a-dhiworto. Hag ev a leveris, ‘An Arloedh yw; Gwres ev an pyth a hevel da dhodho.’