Mika 7:3 - An Bibel Kernewek 20234 (Kernewek Kemmyn)

³ Aga diwla yw sleygh dhe wul drog; an penntern ha'n breusyas a wovynn falswober, an den galloesek a lever y vynnas, hag yndella brasa a wrons dh'y gowlwul.

Mika 7:3 Iomraidhean Croise

Lavarow Koth 16:30

Neb a wynk gans y dhewlagas a dewl taklow treus, neb a wask y dhiwweus war-barth a gowlwra droktra.

Lavarow Koth 17:23

Tebelwas a dhegemmer falswober a'n askra, rag kammdreylya hynsyow gwirvreus.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Ysay 3:5

An bobel a vydh arweskys, peub gans den arall, ha peub gans y gentrevek; An yowynk a vydh tont erbynn an henavek, ha'n koeg a wask an den wordhi.

Ysay 32:7

Sherewynsi an sherewa yw drog; ev a dewl towlow dhe dhiswul an voghosogyon gans lavarow gowek, hwath pan vo klem an edhommek gwir.

Ysay 5:23

neb a dhelirv an kablus dhe wari rag falswober, ha kemmeres ewnder dhe-ves dhiworth an dus wiryon.

Yeremia 3:5

A vydh ev serrys bys vykken? A wra ev gwitha y sorrvann dhe'n diwedh?’ Yndella ty re gewsis; mes ty re wrug oll an drogedh a yllsys.

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Yeremia 8:10

Ytho my a re aga gwragedh dhe re erell ha'ga farkow dhe'n re a's erit: rag pubonan a'n lyha dhe'n moyha yw kemmerys gans krefni; a'n profoes bys y'n oferyas pubonan a dhyght yn fals.

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Ezekiel 22:6

Otta ynnos re beu pennsevigyon Ysrael, pubonan herwydh y nerth ow skoellya goes.

Ezekiel 34:21

Rag hwi dhe herdhya gans tenewen ha skoedh, ha kornya gans agas kern oll an re gwann, bys pan wrussowgh aga skattra dhe-ves,

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Hosea 4:18

Pan yw aga gwires dhe benn, i a vew avel horys; yn howtyn i a gar meth.

Hosea 7:3

I a heudhha an myghtern der aga droktra, ha pennternedh der aga gowyow.

Amos 5:12

Rag my a woer agas kammweythresow pals, ha'gas peghosow bras, owth arvedh an den gwiryon, ow kemmeres falswober, hag ow treylya a-denewen an edhommogyon y'n yet.

Mika 2:8

Mes hwi a sev avel eskar erbynn ow fobel; hwi a dhiwisk an vantell keffrys ha'n gwisk a'n re a dremen yn sawder kepar ha tus ow tehweles dhiworth an gas.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Mika 3:2

hwi neb a gas dader ha kara drogedh, neb a skward an groghen dhiworta, ha'ga hig dhiworth aga eskern;

Matthew 26:15

ha leverel, ‘Pandr'a vynnowgh y ri dhymm mara'n daskorrav dhywgh?’ Hag y hwrussons pe dhodho deg bath warn ugens a arghans,

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.