Mika 7:2 - An Bibel Kernewek 20234 (Kernewek Kemmyn)

² Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Mika 7:2 Iomraidhean Croise

Salmow 10:9

Ev a gontrewayt y'n gudhva avel lew yn fow; ev a gontrewayt rag may talghenno an boghosek, ev a dhalghenn an boghosek orth y denna yn y roes.

Salmow 12:1

Salw, A Arloedh, rag nyns eus unn dremas gesys; rag an dus len re dhifygyas mes a vebyon den.

Salmow 12:2

I a lever euveredh, pub den gans y hynsa; gans gweus fekyl ha kolonn dhewblek y kowsons.

Salmow 57:6

I re bareusis roes rag ow hammow, ow enev yw plegys dhe'n dor. I re gleudhyas pytt a-dheragov, hag i aga honan re goedhas a-bervedh ynno. Sela.

Lavarow Koth 1:11

Mar leverons, ‘Deus genen, gwren kontrewaytya rag kavoes goes; gwren ni skolkya dhe vaglenna an den gwiryon heb ken;

Lavarow Koth 12:6

Geryow an debeles a gontrewayt tus rag goes, mes ganow an re ewnhynsek a's delirv.

Ysay 3:5

An bobel a vydh arweskys, peub gans den arall, ha peub gans y gentrevek; An yowynk a vydh tont erbynn an henavek, ha'n koeg a wask an den wordhi.

Ysay 57:1

An den gwiryon a dhe goll, ha ny wra denvyth y settya war y golonn; gwer dregeredhus yw kemmerys dhe-ves, ha denvyth ny gonvedh. Rag an den gwiryon yw kemmerys dhe-ves dhiworth an terroes.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Ysay 9:19

Dre sorr Arloedh an luyow an tir a vydh kowlleskys, ha'n bobel a vydh avel keunys rag an tan; denvyth ny gemmer truedh a'y vroder.

Yeremia 16:16

Otta, my a dhannvon war-lergh lies pyskador, yn-medh an Arloedh, hag i a wra aga hachya; hag a-wosa my a dhannvon lies helghor, hag i a's helgh a-dhiworth pub menydh ha pub bre, hag yn-mes a folsyow an kerrek.

Yeremia 5:16

Aga goen-sethow yw avel bedh igor, kasoryon alloesek yns pub huni.

Yeremia 5:26

Rag kevys yw tebeles yn mysk ow fobel : i a gontrewayt ow skolkya kepar hag edhnoryon, i a sett antell, i a dhalghenn gwer.

Yeremia 8:6

My a woslowas ha klewes, mes ny gewsons yn ewn: ny goedhas denvyth yn edrek a'y dhrogedh, ow leverel, ‘Pandr'a wrug vy’? I oll a dreyl dh'aga resegva, par dell fysk margh sket dhe'n vatel.

Kynvannow 4:18

I a holyas war agan lergh bys ma na yllyn kerdhes yn agan stretys; yth esa agan diwedh ow tos nes, kowlwrys veu agan dydhyow, rag agan diwedh re dhothya.

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Ezekiel 24:6

Rakhenna yndellma y lever an Arloedh Duw: Go-hi an sita woesek, kalter gans gossen ynni, ha'y wossen ny a dhiworti! Kemmer an kig dhiworti tamm ha tamm, heb tewlel koelbrenn.

Hosea 5:1

Klewewgh hemma, a oferysi! Goslowewgh, chi Ysrael! Attendyewgh, A ji an myghtern! An vreus yw er agas pynn, drefenn agas bos antell orth Mispa, ha roes lesys war Tabor.

Hosea 6:9

Ha kepar dell wra bagas a ladron kontrewaytya gour, yndella y hwra bagas a oferysi; ow moldra y'n fordh dhe Shekem, ow kul drogober hegas.

Mika 2:8

Mes hwi a sev avel eskar erbynn ow fobel; hwi a dhiwisk an vantell keffrys ha'n gwisk a'n re a dremen yn sawder kepar ha tus ow tehweles dhiworth an gas.

Mika 3:10

neb a dhrehav Sion gans goes ha Yerusalem gans kammhynseth.

Mika 3:2

hwi neb a gas dader ha kara drogedh, neb a skward an groghen dhiworta, ha'ga hig dhiworth aga eskern;

Zekaria 11:6

Ytho ny gemmerav vy truedh namoy a'n re trigys y'n tir, yn-medh an Arloedh. Otta, yth esov ow ri pubonan yn leuv y gentrevek hag yn leuv y vyghtern. I a wra brewi an tir, ha ny wrav vy aga sawya dhiworth aga leuv.

Oberow 24:9

Ha'n Yedhewon ynwedh a gemmeras rann y'n kuhudhans, ow testa bos an taklow ma gwir.

1 Samuel 24:11

Mir, ow thas, mir orth lostenn dha vantell y'm leuv; rag drefenn my dhe dreghi dhe-ves lostenn dha vantell, ha ny'th ledhis, ty a woer ha gweles yn sur nag eus na drog na trayturi y'm leuv. Ny beghis er dha bynn, kynth esos orth ow helghya dhe gemmeres ow bewnans.

1 Samuel 26:20

Lemmyn rakhenna, na wres ow goes koedha dhe'n dor dhe-ves a lok an Arloedh; rag myghtern Ysrael re dheuth yn-mes dhe hwilas hwannenn, kepar dell helghir grugyar y'n menydhyow.’