Mika 7:19 - An Bibel Kernewek 20234 (Kernewek Kemmyn)

¹⁹ Ev a gemmer truedh ahanan arta, ha trettya agan drogoberow yn-dann y dreys. Ty a dewl agan peghosow oll yn downder an mor.

Mika 7:19 Iomraidhean Croise

2 Samuel 24:14

Ha Davydh a leveris dhe Gad, ‘Yth esov yn ahwer meur; koedhyn yn leuv an Arloedh, rag y druedh yw bras; mes na'm gas dhe goedha yn leuv mab-den.’

Salmow 103:12

mar bell dell usi an howldrevel dhiworth an howlsedhes, mar bell re worras ev agan kammwriansow dhiworthyn ni.

Salmow 130:8

Hag ev a dhaspren Ysrael dhiworth oll y gammweythresow.

Salmow 85:3

Ty re gemmeras dhe-ves oll dha sorr; ty re dreylyas dhiworth dha sorr fers.

Ysay 33:24

Ny lever annedhyas, ‘My yw klav’; kammweyth an bobel trigys ynni a vydh gevys.

Ysay 38:17

Otta rag les y feu dhymm hwerowder; mes ty re withas ow enev dhiworth an pytt a dhistruans, rag ty re dewlis oll ow feghosow a-dryv dha geyn.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Yeremia 31:20

Yw Efraym ow mab ker? Yw ev flogh may ma delit dhymm ynno? Rag a-ban gewsis er y bynn my a berth kov anodho hwath. Ytho ow holodhyon a veu movys ragdho; yn sur y kemmerav truedh anodho, yn-medh an Arloedh.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Yeremia 33:8

My a's glanha a'ga hammhynseth oll may peghsons er ow fynn ha gul treuspass er ow fynn.

Yeremia 50:20

Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.

Kynvannow 3:22

Yn hwir, ny fyll tregeredhow an Arloedh, ha nyns yw y druedhow gorfennys.

Kynvannow 3:32

Kyn hwra grev, byttegyns ev a gemmer truedh herwydh braster y dregeredh;

Ezekiel 18:22

Ny vydh kovhes er y bynn nagonan a'y dreuspassow re wrug; drefenn y wiryonedh a wrug, ev a vew.

Ezekiel 39:29

Ny gudhav ow fas arta dhiworta, rag my re dhiveris ow spyrys war ji Ysrael, yn-medh an Arloedh Duw.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Hosea 14:2

Kemmerewgh genowgh hwi geryow, ha dehwelewgh dhe'n Arloedh. Leverewgh dhodho, ‘Gav pub kammhynseth, ha degemmer an pyth yw da, rag may attyllyn frut agan diwweus.

Hosea 14:4

My a wra aga sawya dhiworth aga dislelder, ha'ga hara heb ahwer, rag ow sorr re dreylyas anodho.

Zekaria 3:4

An el a leveris dhe'n re esa ow sevel a-ragdho, ‘Kemmerewgh dhiworto an dillas plos.’ Ena ev a leveris dhe Yoshua, ‘Mir, my re dhug dhiworthis dha gammhynseth, ha my a wra dha wiska yn dillas teg.’

Romanyon 6:14

Rag ny'n jevydh pegh maystri warnowgh, a-ban nag esowgh yn-dann lagha mes yn-dann ras.

Romanyon 8:13

rag mar pewowgh war-lergh an kig, merwel a wrewgh; mes mar korrowgh der an Spyrys gweythresow an korf, bewa a wrewgh.

Dewteronomi 30:3

ena an Arloedh dha Dhuw a wra restorita ragos ha kemmeres truedh ahanas ha'th kuntell arta dhiworth oll an poblow le may hwrug an Arloedh dha Dhuw dha skattra bys di.

Dewteronomi 30:6

An Arloedh dha Dhuw a drodregh dha golonn ha kolonn dha has dhe gara an Arloedh dha Dhuw gans oll dha golonn ha gans oll dha enev, rag may fewi.

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 8:12

Rag my a vydh tregeredhus a'ga drogoberow, ha ny wrav perthi kov namoy a'ga feghosow.’

1 Yowann 3:8

Neb a begh, a'n jowl yma; rag an jowl a begh a-dhia'n dalleth. Dhe'n porpos ma y feu diskwedhys Mab Duw, rag may tistrua oberow an jowl.