Mika 7:16 - An Bibel Kernewek 20234 (Kernewek Kemmyn)

¹⁶ An kenedhlow a wel ha bos toellys a'ga galloes oll; i a worr aga diwla war aga ganow; aga diwskovarn a vydh bodhar;

Mika 7:16 Iomraidhean Croise

Job 21:5

Mirewgh orthiv ha bedhewgh skruthys, ha gorrewgh agas leuv war agas ganow.

Job 40:4

‘Otta, distyr ov vi; fatell allav gorthybi dhis? My a gudh ow ganow gans ow leuv.

Salmow 126:2

Ena lenwys veu agan ganow a hwarth, ha'gan taves a lowena. Ena y lavarsons yn mysk an kenedhlow, ‘An Arloedh re wrug taklow meur rag an re ma.’

Lavarow Koth 30:32

Mars es foll, owth omughelhe, mars eses ow tevisya drog, gorr dha dhorn war dha anow.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Ysay 52:15

yndella marth a's tevydh lies kenedhel; myghternedh a dhege aga ganow a'y wovis, rag an pyth na via leverys dhedha, henna i a wel, ha'n pyth na glewsons, henna i a breder.

Ysay 66:18

My a woer aga gweythyow ha'ga thybyansow, ha my a dheu dhe guntell oll an kenedhlow ha'n tavosow; hag i a dheu ha gweles ow glori.

Ezekiel 38:23

My a dhiskwedh ow meuredh ha'm sansoleth a-rag dewlagas lies kenedhel. Ena i a woer my dhe vos an Arloedh.

Mika 3:7

an dhargenysi a vydh diskrassyes, ha'n goelyogyon shamys; i oll a wra kudha aga diwweus, rag nyns eus gorthyp a Dhuw.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Haggay 2:22

My a dhomhwel an se a wlaskordhow, ha distrui galloes gwlaskordhow an kenedhlow, Disevel a wrav an charettow ha'ga lewyoryon, ha'n vergh ha'ga marghogyon a goedh, pubonan dre gledha y vroder.

Zekaria 12:9

Y'n jydh na my a hwila kowldhistrui oll an kenedhlow a dheu erbynn Yerusalem.

Romanyon 3:19

Lemmyn ni a woer, pypynag a lavarro an lagha kewsys yw dhe'n re usi yn-dann an lagha, rag may fo pub ganow deges, ha rag may fo an bys oll yn-dann vreus Duw.

Diskwedhyans 11:18

Ha'n kenedhlow o serrys, ha'th sorr yw devedhys, ha'n termyn dhe vreusi an re varow, ha dhe ri gober dhe'th wesyon an brofoesi ha dhe'n syns ha dhe'n re a berth own a'th hanow, dhe'n re vyghan ha'n re veur ha dhe dhiswul an re a dhiswra an dor.’