Mika 7:14 - An Bibel Kernewek 20234 (Kernewek Kemmyn)

¹⁴ Bugel dha bobel gans dha vagel, para dha eretons, hag a drig y honan yn koeswik y'n kres a dir feyth; peurens yn Bashan ha Gilead kepar hag y'n dydhyow koth.

Mika 7:14 Iomraidhean Croise

Salmow 100:3

Godhvydhewgh an Arloedh dhe vos Duw; ev yw neb re'gan formyas, hag ev a'gan pew; yth on ni y bobel, ha deves y beurva.

Salmow 143:5

My a berth kov a'n dydhyow koth; my a breder a'th wriansow oll, my a breder a oberow dha dhiwleuv.

Salmow 28:9

Salw dha bobel, ha bennik dha ertach; bydh aga bugel, ha'ga drehevel bynitha.

Salmow 95:7

Rag ev yw agan Duw, hag yth on ni pobel y beurva, ha deves y leuv. A mynnewgh hedhyw klewes y lev!

Eksodus 33:16

Rag fatell vydh godhvedhys y kevis gras y'th wolok, my ha'th pobel? A nyns yw ty ow kerdhes genen, may fen diblans, my ha'th pobel, a oll an poblow usi war enep an nor?’

An Gan a Ganow 4:1

Otta, teg osta ow hares, otta, ass osta teg! Dha dhewlagas yw kelemmi a-dryv dha vayl. Dha vlew yw avel gre a ever, ow lamma yn-nans war ledrow Gilead

Ysay 27:13

Hag y'n jydh na, an hirgorn bras a vydh hwythys, ha'n re a veu kellys yn pow Assyria, ha'n re a veu divres yn pow Ejyp a dheu ha gordhya an Arloedh y'n menydh sans, yn Yerusalem.

Ysay 35:2

ev a vleujyow, ha lowenha gans heudh ha kana. Glori Lebanon a vydh res dhodho, splannder Karmel ha Sharon; i a wel glori an Arloedh, splannder agan Duw.

Ysay 37:24

Dre leuv dha servysi ty re skornyas an Arloedh ha leverel, “Gans ow lies charett my res eth yn-bann dhe dopp an menydhyow, dhe bella rannow Lebanon. My re droghas an hirra a'y gederwydh, an gwella a'y veryw. My re dheuth dh'y fenn pella, dhe brysk y goeswik.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ysay 65:10

Sharon a vydh peurva rag deves, ha nans Aghor powesva rag flokkys, rag ow fobel neb a'm hwila.

Yeremia 49:31

Sevewgh, kewgh yn-bann erbynn kenedhel attes, eus trigys yn tiagha, yn-medh an Arloedh, na's teves yetow na barrys, usi trigys hy honan.

Kynvannow 1:7

Yerusalem a berth kov, yn dydhyow hy anken ha'y diannetter, a'y fythow desirys oll a's tevo y'n dydhyow koth. Pan goedhas hy fobel yn dorn an eskar, heb denvyth a's gweressa, an eskerens a's gwelas, ha gul ges a'y therroes.

Kynvannow 5:21

Gwra agan restorya dhis, A Arloedh, may tehwellyn; nowydhha agan dydhyow kepar dell vons seuladhydh –

Ezekiel 36:11

My a ynkress warnowgh den ha best, hag i a balsha ha doen froeth; my a'gas gwra dhe vos annedhys kepar hag y'n termynyow koth, ha gul dhywgh seweni moy es kyns. Ena hwi a woer my dhe vos an Arloedh.

Levitikus 27:32

Hag oll dega an chatel po an flokk, pup-tra a dremenno yn-dann welenn an bugel, an degves a vydh sans dhe'n Arloedh.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Obadia 1:19

Tus an Negeb a gemmer menydh Esaw yn perghennogeth, ha tus an Shefela a gemmer pow an Filistysi. I a gemmer tiredh Efraym ha tiredh Samaria, ha Benyamin a gemmer Gilead yn perghennogeth.

Mika 5:4

Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.

Sefania 3:13

Ny wra remenant Ysrael sherewneth, na leverel gowyow; na ny vydh taves fekyl kevys yn aga ganow; rag i a beur ha growedha, ha denvyth ny wra dhedha perthi own.

Zekaria 10:10

My a wra aga hembronk dhe-dre yn-mes a bow Ejyp ha'ga huntelles yn-mes a Assyria. My a wra aga dri dhe bow Gilead ha dhe Lebanon, ha ny vydh spas lowr ragdha.

Zekaria 11:7

Ytho my a beskis an flokk rag an ladhva, ynwedh boghosogyon an flokk. My a gemmeras diw vagel ha my a henwis an eyl Hwekter ha'y ben Kolmow, ha my a beskis an flokk.

Malaki 3:4

An offrynn a Yuda ha Yerusalem a vydh plegadow dhe'n Arloedh, kepar hag y'n dydhyow koth, ha kepar hag yn blydhynyow kyns.

Niverow 23:9

Rag a-dhiworth penn an karregi my a's gwel, a-dhiworth an breow my a's aspi; otta pobel ow triga aga honan, ha heb omrekna yn mysk an kenedhlow!

Niverow 32:1

Lemmyn mebyon Rewben ha mebyon Gad a's tevo routh veur a warthek; hag i a welas pow Yazer ha pow Gilead, hag otta, an tyller o tyller rag gwarthek.

Niverow 32:4

an tir a wrug an Arloedh y weskel a-rag kuntelles Ysrael, yw tir rag gwarthek; ha'th servysi a's teves gwarthek.’

Matthew 2:6

“Ha ty, Bethlehem, pow Yuda, nyns os mann an lyha yn mysk gwelhevin Yuda, rag yn-mes ahanas y teu hembrenkyas neb a wra bugelya ow fobel Ysrael.” ’

Yowann 17:16

Nyns yns i a'n bys, kepar dell nag ov vy a'n bys.

Dewteronomi 33:28

Ysrael a drig yn sawder; y honan oll yw fenten Yakob, yn tir a ys ha gwin nowydh, y nevow ynwedh a dhever gluth.