Mika 7:11 - An Bibel Kernewek 20234 (Kernewek Kemmyn)

¹¹ Dydh rag drehevel dha fosow! An jydh na, yth ystynnir an or.

Mika 7:11 Iomraidhean Croise

Nehemia 2:17

Ena my a leveris dhedha, ‘Hwi a wel an ahwer eson ni ynno, fatell yw Yerusalem difeyth, ha'y yetow leskys gans tan. Dewgh, ha drehevyn ni fos Yerusalem, ma na vydhyn synsys yn disenor namoy.’

Nehemia 2:8

ha lyther dhe Asaf, gwithyas koeswik an myghtern, may rollo dhymm prenn dhe wul jistys rag yetow an palys, ha rag fos an sita, ha rag an chi may fydhav trigys.’ Ha'n myghtern a wrontyas dhymm ow gorholedhow, rag bos leuv dha ow Duw warnav.

Nehemia 4:3

Yth esa Tobia an Ammonyas rybdho, hag ev a leveris, ‘An pyth a wrons y dhrehevel – mar yskynna lowarn warnodho, ev a dorrsa dhe'n dor aga fos a veyn!’

Nehemia 4:6

Ytho ni a dhrehevis an fos. Hag oll an fos a veu junys war-barth dhe hanter hy ughelder, rag an bobel a lavuryas yn kolonnek.

Ysay 54:11

Ty druan, tewedhek, ha na veus konfortys, otta, my a sett dha veyn yn antimoni, ha'th fondya war selyow a saffir.

Ysay 54:2

Ledanha tyller dha dylda, ha bedhes kroglennow dha annedhow ystynnys; na spar; hirha dha gerdyn, ha krevha dha ebilyer.

Ysay 58:12

Dha vagoryow koth a vydh dastrehevys; ty a dhassev an selyow a henedhow pals; ha ty a vydh gelwys dastrehevyer aswaow, ha restoryer stretys rag tus dhe driga ynna.

Ysay 61:4

I a dhastrehav an magoryow koth ha dri yn-bann an tylleryow diboblys kyns; i a nowydhha trevow diswrys, re beu gwastys henedh wosa henedh.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.