Mika 7:10 - An Bibel Kernewek 20234 (Kernewek Kemmyn)

¹⁰ Ena y'n gwel ow eskares, ha meth a's kudh; yn-medh hi dhymm, ‘Ple'ma an Arloedh, dha Dhuw?’ Ow dewlagas a lowenha orth hy gweles. Lemmyn hi a vydh trettys dhe'n dor haval dhe leys an stretow.

Mika 7:10 Iomraidhean Croise

2 Samuel 22:43

My a's brew munys avel doust an dor; my a's trett yn-dann dreys avel leys an stretys.

Salmow 109:29

Bedhes ow huhudhoryon gwiskys yn disenor, ha gwiskens i aga meth avel mantell.

Salmow 115:2

Prag y lever an kenedhlow ‘Ple'ma aga Duw?’

Salmow 18:42

My a's brew munys avel doust a-dherag an gwyns; my a's trett yn-dann dreys avel leys an stretys.

Salmow 35:26

Perthens i meth ha bedhens i shyndys war-barth neb a lowenha y'm happ drog; bedhens i gwiskys yn meth ha despit neb a voghha aga honan er ow fynn.

Salmow 42:10

Ha'm eskern ow pos brewys, ow eskerens a'm skorn, ow leverel dhymm oll an jydh, ‘Ple'ma dha Dhuw?’

Salmow 42:3

Ow dagrow re beu ow bara dydh ha nos, hag i ow leverel dhymm oll an jydh, ‘Ple'ma dha Dhuw?’

Salmow 58:10

An den gwiryon a lowenha pan wel dial; ev a wolgh y dreys yn goes an tebelwas.

Salmow 79:10

Prag y lever an kenedhlow, ‘Ple'ma aga Duw?’ Bedhes diskwedhys dhe'n kenedhlow yn agan golok ni dial rag an goes skoellys a'th wesyon.

Salmow 92:12

An den gwiryon a las avel an balmwydhenn, hag ev a dyv avel kederwydhenn yn Lebanon.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Ysay 41:25

My a wrug dhe onan difuna dhiworth an gledhbarth hag ev a dheu, dhiworth an howldrehevel, hag ev a elow war ow hanow. Ev a stank war rewloryon kepar dell ve war leys, dell drett an priweythor an pri.

Yeremia 49:15

Rag otta, my a'th wra an lyha yn mysk an kenedhlow, ha dispresys gans densys.

Yeremia 51:24

My a attal dhe Babylon ha dhe oll annedhysi Kaldea rag oll an drog re wrussons yn Sion yn agas golok, yn-medh an Arloedh.

Yeremia 51:51

Ni yw gorrys dhe veth drefenn ni dhe glewes keredh; disenor re gudhas agan fas, rag estrenyon re dheuth yn tylleryow sans chi an Arloedh.

Ezekiel 7:18

I a wisk yskar, ha kren a's kudh. Meth a vydh dhe bub fas, ha moelder war oll aga fennow.

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Yoel 2:17

Gwres an oferysi, menystrys an Arloedh, oela ynter an porth ha'n alter, ha leverens, ‘Spar, A Arloedh, dha bobel, ha na ro dha ertach yn disenor, ensampel dhe'n kenedhlow. Prag y leverons yn mysk an poblow, “Ple'ma aga Duw?” ’

Obadia 1:10

Drefenn an ladhva ha'n garowder gwrys erbynn dha vroder Yakob, meth a wra dha gudha, ha ty a vydh treghys dhe-ves bynitha.

Obadia 1:12

Mes ny dalvia, ty dhe vires yn heudh war dhydh dha vroder yn dydh y anfeusi, na lowenhe war vebyon Yuda yn dydh aga diswrians; na kewsel yn howtyn yn dydh aga diswrians.

Mika 4:11

Ha lemmyn kenedhlow pals re omguntellas er dha bynn, ow leverel, ‘Bedhes hi disakrys, re wrello agan dewlagas mires war derroes Sion.’

Mika 7:8

Na lowenhewgh a-dro dhymm, ow eskares; pan goedhav, y savav; pan esedhav yn tewlder, an Arloedh a vydh golow dhymm.

Sefania 3:15

An Arloedh a gemmeras dhe-ves dha vreusow, ev re fesyas dha eskar: yma myghtern Ysrael, an Arloedh, a-berth ynnos: ny' fydh own a dhroktra namoy.

Zekaria 10:5

I a vydh avel kasoryon alloesek ow stankya yn leys an stretow yn batel. I a omladh, drefenn bos an Arloedh gansa, hag i a wra bismer dhe varghogyon an vergh.

Malaki 1:5

Agas dewlagas a wel hemma ha hwi a lever, ‘Meur yw an Arloedh, hwath an tu a-ves dhe amal Ysrael!’

Malaki 4:3

Ena hwi a drett an debeles; i a vydh lusu yn-dann wodhnow agas treys y'n jydh may hwrav an taklow ma, yn-medh Arloedh an luyow.

Matthew 27:43

ev a fydhyas yn Duw, re'n deliffro lemmyn mara'n mynn; rag ev a leveris, “My yw Mab Duw.” ’

Yoshua 7:9

An Kananysi hag oll annedhysi an tir a glew anodho, ha'gan kyrghynna, ha treghi dhe-ves agan hanow dhiworth an tir. Ena pandr'a wre'ta rag dha hanow bras?’

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.