Mika 7:1 - An Bibel Kernewek 20234 (Kernewek Kemmyn)

¹ Go-vy! Rag deuvev ha bos avel diwettha kuntell frut an hav, po kuntell gesigow trevas an grappys, pan nag eus grappys gesys dhe dhybri, na figys a-varr a'm beus hwans anedha.

Mika 7:1 Iomraidhean Croise

Salmow 120:5

Go-vy, ow bos trigys avel alyon yn Meshek, ow bos owth annedhi tyldow Kedar.

Lavarow Koth 20:6

Lies den yw gelwys gour tregeredhus, mes gour lel, piw a yll y gavoes?

Ysay 17:6

Mes gesigow a worta ynno, kepar ha pan vo olewbrenn gweskys, diw po teyr olivenn adhves orth penn an varrenn, peswar po pymp yn y skorr feyth, yn-medh an Arloedh, Duw Ysrael.

Ysay 24:13

Yndellma y hwyrvydh yn kres an nor, yn mysk an poblow, kepar dell yw olewennow shakys dhiworth olewbrenn, kepar ha gesigow an grappys pan worfenn an drevas.

Ysay 24:16

Dhiworth finyow an nor ni a glew kanow, splannder dhe'n Gwiryon. Yn-medhav, Tanowhes ov, tanowhes, go-vy! Traytours a drayt, traytours a drayt yn pur dhevri.

Ysay 28:4

Bleujenn wedhrys an tekter splann usi war benn an nans fethus a vydh kepar ha'n kynsa figysenn kyns an hav; piwpynag a's gwello ev a's lenk, kettell y's teffo yn y balv.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Yeremia 15:10

Go-vy, ow mamm, ma'm omdhuges, gour a strif ha gour a gedrynn dhe oll an nor! Ny res vy prestenn, na ny brestis tus dhymmo vy: mes hwath peub anedha a'm millik.

Yeremia 24:2

Unn ganstell a'n jevo figys pur dha, avel figys yw kynsa adhves, mes an ganstell arall a'n jevo figys pur dhrog, mar dhrog ma ny yllens bos dybrys.

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Yeremia 45:3

Ty a leveris, ‘Go-vy! An Arloedh re geworras ahwer dhe'm dolor; difygys ov gans ow hanasa, ha ny gavav powes.’

Yeremia 5:1

Gwandrewgh a-dro dre stretow Yerusalem, gwelewgh lemmyn, ha godhvydhewgh, ha hwilewgh yn hy flenys, mar kyllowgh kavoes gour, mars eus nebonan a wra breus, a hwila gwirder; ha my a's gav.

Hosea 9:10

My a gavas Ysrael, avel grappys y'n gwylvos; my a welas dha dasow, ev a veu avel an frut a-varr a'n figbrenn, y gynsa frut. Mes i a dheuth dhe Baal-peor, hag omsakra dhe'n imaj methus, hag ethons ha bos mostedhes avel an taklow kasadow a garsons.

Niverow 18:13

Kynsa frut adhves a oll eus yn aga thir, hag a dhrons dhe'n Arloedh, a vydh dhis; pub huni yw glan y'th chi a yll dybri anodho.